Vasco da Gama

Vasco da Gama
Información personal
Calendata de naixencia	1469?
Puesto de naixencia	Sines (Reino de Portugal)
Calendata de muerte	24 d'aviento de 1524
Puesto de muerte	Cochim (India portuguesa, hue India)
Ocupación	Explorador y navegant

Vasco da Gama u Vasco de Gama (Sines, Reino de Portugal, 1469? - Cochim, India portuguesa, 24 d'aviento de 1524), naixiu en o sino d'una familia noble, estió un explorador y navegant portugués conoixiu por estar lo primer europeu en plegar a la India a traviés d'o cabo de Buena Asperanza.

En l'anyo 1497 o rei Manuel o Enfortunato li confitó lo mando d'una flota de quatre naus que teneba como obchectivo ubrir una rota por mar a las islas productoras d'especias. Con ixo se pretendeba equilibrar a ventaixa que a troballa de Cristofo Colombo heba dau a o Reino de Castiella y rematar a faina encetata por o rei Enrique o Navegant. A expedición marchó con o prochecto de rodiar a costa africana dica arribar a lo cabo de Buena Asperanza y continar ta l'este, ta ubrir una rota nueva pa facilitar os intercambeos comercials y furtar a los arabes o trafico mercantil. En marzo de 1498 a expedición dentró en contacto con bellas comunidatz indichenas que comerciaban con a India, y dos meses dimpués plegoron t'o norte de Calicut (l'actual Calcuta), rematando lo viache que lebó a Vasco da Gama a completar o trobo d'a rota maritima ta la India. Por primera vegata un estato europeu (Portugal) dentraba en contacto directament con a civilización india. A la fin d'agosto de 1499, precedito por una d'as naus d'a expedición, Vasco da Gama tornó a Portugal, premitindo con a suya ixera un exito comercial sin de precedents.

En 1502, o navegant tornó a fer-se a la mar, ista vegata a lo mando d'una armata de vente naus, que ponió os alazetz de l'imperio colonial portugués en apoderar-se de Quiloa (Kilwa) y Sofala, en l'actual Mozambique. Redotó a los arabes y eliminó buena parti d'a suya influencia en o Indico, establindo una hechemonía maritima portuguesa en dito ocián, construyendo en Cochin a primera factoría portuguesa en Asia. De tornada ta Lisbona, en 1503, permaneixió fuera d'a navegación mientres un periodo de quasi vente anyadas, dica que fue nombrato virrei d'a India en 1524, puesto an morió poco dimpués d'a suya plegada.

Bibliografia

• Ames, Glenn J. (2004). Vasco da Gama: Renaissance Crusader. Longman.ISBN 0321092821.
• Ames, Glenn J. (2007). The Globe Encompassed: The Age of European Discovery, 1500–1700. Prentice Hall.ISBN 978-0131933880.
• Corrêa, Gaspar (2001). The Three Voyages of Vasco da Gama, and His Viceroyalty. Adamant Media Corporation. Facsimile reprint of a 1869 ed. per la Hakluyt Society, Londres.ISBN 1402195435
• Disney, Anthony, Emily Booth (eds.) (2000). The Indian Ocean in World History. New Delhi and New York: Oxford University Press.
• Fernández-Armesto, Felipe (2001). Civilizations. Basingstoke and Oxford, U.K.: Macmillan.ISBN 0743202481.
• Fernández-Armesto, Felipe (2006). Pathfinders: A Global History of Exploration. W. W. Norton, 177–181.ISBN 978-0393062595.
• Jayne, Kingsley Garland (1910). Vasco Da Gama and His Successors 1460 to 1580. London, England: Meuthen & Co.Ltd..ISBN 978-0548008959.
• Panikkar, Kavalam Madhava (1959). Asia and Western Dominance: A Survey of the Vasco da Gama Epoch of Asian History, 1498–1945. London: Allen & Unwin. ASIN B000Q5T6X6.
• Ravenstein, E. G., ed. i trad. (1898). A Journal of the First Voyage of Vasco da Gama, 1497–1499. London: Hakluyt Society. (reissued by Cambridge University Press, 2010. ISBN 978-1-108-01296-6).
• Russell-Wood, A. J. R. (1993). A World on the Move: The Portuguese in Africa, Asia, and America, 1415–1808. Macmillan. ISBN 978-0312094270.
• Subrahmanyam, Sanjay (1997). The Career and Legend of Vasco da Gama. Cambridge University Press.ISBN 978-0521470728.
• Towle, George Makepeace (c. 1878). Vasco da Gama, his voyages and adventures. Boston: Lothrop, Lee & Shepard.

Vinclos externos

• Se veigan as imáchens de Commons sobre Vasco da Gama.