Usuario:EduardoGG/Parque Miguel Serveto

O parque Miguel Servet de Uesca (Aragón) ye o parque más gran y un d'os mas antigos d'a ciudat. A suya construcción s'encetó en 1928 y cuenta con una gran variedat de plantas, dende as muit comunas dica atras orichinarias de China y Chapón, como que ye o ginkgo. Tamién podemos trobar animals como que patos, aucas u cisnes adentro d'os lacos. O parque con molimentos commemorativos, d'os quals cal destacar As Paixaritas, obra de Ramón Acín, que son consideratas uno d'os simbolos d'a ciudat.

Historia

Anteriorment a la construcción d'o parque municipal, se trobaban en ixa zona os antigos chardins d'os Lastanosa, familia que poseyeba un palacio que estió demolido a zaguers d'o sieglo XIX.^[1] O 16 de marzo de 1928 s'aprebó a construcción d'o parque sobre ista zona d'a ciudat y o concello expropió mas de 3,76 hectarias d'hortal y chardín.

O parque Miguel Serveto s'empecipió a construir en l'anyo 1928. Estió disenyado por Antonio Uceda, Bruno Farina y Santos Coarasa y chunto a ells colabororon l'arquitecto José Luis de León y l'artista Ramón Acín. O catalán Domingo Vidal, chardinero diplomato, endrezó a construcción floral d'o parque con l'aduya de quantos labradors^[2].

A devantadera oficial d'o parque estió en 1930, manimenos encara no s'heba decidiu dedicar o parque a Miguel Serveto. Estió en l'anyo siguient, quan o concello aprebó a ideya de José Jarné de meter-le a o parque o nombre d'iste teologo y scientifico espanyol.

En os anyos 60, con Emilio Miravé d'alcalde y José Antonio Planas de concellero de Parques y Chardins, s'aprebó o prochecto d'enamplar o parque ent'o sudueste. S'ocuporon mas terrenos d'hortals y d'ista traza o parque uniba a zona d'ixample de Uesca con o centro historico. Con ista ampliación se creyoron nuevos elementos y s'adhibió mas naturaleza. Dimpués d'a expansión o parque ocupaba 6,95 hectarias.

Puntos d'intrés

As paixaritas

Ista obra estió disenyada en 1928 por Ramón Acín y hue s'ha convertiu en un simbolo para a ciudat de Uesca.^[3] Iste monumento artistico ye dedicau a la papiroflexia.^[4]

O quiosco d'a musica

Ye situau frent a la dentrada prencipal d'o parque, en a carrera Rioja. Quan se devantó, ista estructura yera destina a las actuacions d'a Banda Municipal, pero en l'actualidat s'usa ta diferents actividatz.

A casita de Blancanieu

Ye una reproducción d'a casa d'os siet enanos d'a cinta de Blancanieu. Iste aria d'o parque ye destinada a os ninos y de vegada en quan se realizan qualques actividatz. A o costau d'a casita podemos veyer un mural ceramico con a imachen de Blancanieu y os enanos y un medallón con o retrato de Walt Disney realizau por José María Aventín^[5]. Chunto a istos, un laco de nenufars. Tota ista zona d'o parque ye rodiada d'un conchunto de pin borde.

A rosaleda

Ye una zona circular a o costau d'a casa de Blancanieu con quantas cadieras y una chicota fuent con una estructura metalica.

Estactua d'os reis pirenaicos

Ista estactua, trobada frent a la dentrada d'o parque en a carrera Chuan XXIII , se realizó en memoria a os reis d'orichen pirenaico. Ye una obra de César Montaña, seguntes l'estilo de Pablo Gargallo por a suya composición en metal. Baixo ella i hai una estructura rocosa que represienta a o Pireneu.

Referencias

↑ visitarhuesca.com. "Error: |títol= no especificau en emplegar {{cita web}}Plantilla:Namespace detect showall". http://www.visitarhuesca.com/puntos-de-interes/parques/parque-miguel-servet/.
↑ «Parque de Miguel Servet (Huesca)». Artículos Literarios del Altoaragón. Consultado el 18 de enero de 2014."{{{title}}}".
↑ "Error: |títol= no especificau en emplegar {{cita web}}Plantilla:Namespace detect showall". http://www.caiaragon.com/es/actividades/index.asp?idAct=128&idSeccion=6&idTipo=75&idloc=4.
↑ "Error: |títol= no especificau en emplegar {{cita web}}Plantilla:Namespace detect showall". http://www.huescaturismo.com/es/natural-detalle/8/parque-miguel-servet/.
↑ Pleno del Ayuntamiento de Huesca de 19 de mayo de 1967 en que se decidió reabrir la biblioteca y dedicar un homenaje a Walt Disney, para lo cual se encargó una placa de bronce a la fundición Codina Hermanos S.A, por importe de 12.000 pesetas sobre un modelo de Aventín junto con un rótulo, tal y como consta en la documentación (Archivo Municipal de Huesca, Diversos 1967/36).

Vinclos externos

[visitar-1] visitarhuesca.com. "Error: |títol= no especificau en emplegar {{cita web}}Plantilla:Namespace detect showall". http://www.visitarhuesca.com/puntos-de-interes/parques/parque-miguel-servet/.

[alto-2] «Parque de Miguel Servet (Huesca)». Artículos Literarios del Altoaragón. Consultado el 18 de enero de 2014."{{{title}}}".

[cai-3] "Error: |títol= no especificau en emplegar {{cita web}}Plantilla:Namespace detect showall". http://www.caiaragon.com/es/actividades/index.asp?idAct=128&idSeccion=6&idTipo=75&idloc=4.

[turismo-4] "Error: |títol= no especificau en emplegar {{cita web}}Plantilla:Namespace detect showall". http://www.huescaturismo.com/es/natural-detalle/8/parque-miguel-servet/.

[5] Pleno del Ayuntamiento de Huesca de 19 de mayo de 1967 en que se decidió reabrir la biblioteca y dedicar un homenaje a Walt Disney, para lo cual se encargó una placa de bronce a la fundición Codina Hermanos S.A, por importe de 12.000 pesetas sobre un modelo de Aventín junto con un rótulo, tal y como consta en la documentación (Archivo Municipal de Huesca, Diversos 1967/36).

[1]

[2]

[3]

[4]

[5]