Pablo Gargallo

De Biquipedia
Ir ta: navego, busca
Pablo Gargallo
PauGargalloCatalan1910.jpg
Información personal
Calendata de naixencia 5 de chinero de 1881
Puesto de naixencia Flag of Aragon.svg Maella (Zaragoza)
Calendata de muerte 28 d'aviento de 1934
Puesto de muerte Flag of Catalonia.svg Reus (Tarragona)
Ocupación Escultor
Conchuche Magali Tartanson

Pablo Emilio Gargallo Catalán (Maella, Zaragoza; 5 de chinero de 1881 - †Reus, Tarragona; 28 d'aviento de 1934) estió un escultor y pintor aragonés, considerato un d'os escultors mas impotants y innovadors d'o sieglo XX.

Encara que fació a suya formación artistica en a ciudat de Barcelona, a on se relacionó con quantos artista d'o grupo d'Els Quatre Gats, como Picasso, Isidro Nonell u Lluís Domènech Montaner, Pablo Gargallo vivió a mayor parte d'a suya vida en París, a on se relacionó con artistas como Max Jacob u Juan Gris.

Vida[editar | editar código]

Naixito en Maella, Zaragoza, se treslada con a suya familla ta Barcelona en 1888, an comenzará a suya formación artistica. Pasó parti d'a suya vida en o vico de Montparnasse de París. En 1900, en París, vivió en a comuna d'artistas Le Bateau-Lavoir, con Max Jacob, Juan Gris y atros artistas "muertos de fambre", incluindo a lo suyo amigo Picasso (en modeló la suya capeza n'una escultura). A l'anyada siguient Juan Gris li presentó a Magali Tartanson con a que se casó en 1915. En 1934 agafó una pneumonía fuerte y morió en Reus (Tarragona) ta do se n'heba ito ta inagurar una exposición d'a suya obra.

Estilo[editar | editar código]

O Profeta, en el Museu Pablo Gargallo de Zaragoza.

Gargallo, influito por o suyo amigo Julio González, desembolicó un estilo d'escultura alazetato en a creyación d'obchectos tridimensionals de placas planas de metal, emplegando tamién papel y cartón. Bellas d'istas estretallas tienen una mena de minimalismo. Por eixemplo, nomás a metat d'una cara ye amostrata y puede que nomás tienga un uello. Tamién realizó esculturas mas tradicionals en bronze, márbol y atros materials. Entre as suyas obras se troban tres piezas alazetatas en Greta Garbo: Masque de Greta Garbo à la mèche, Tête de Greta et los Garbo avec chapeau y Masque de Greta Garbo aux cils.

Manimenos, a suya obra mas conoixita ye a suya pieza mayestra Lo Profeta, de 1933, que ye la fuga d'o suyo concepto cubista d'escultura d'o vueito y a la vegada poseye una enerchía exprisionista que enchega, por o tema tractato, con a tradición d'a Biblia.

Li se considera un d'os artistas mas significativos d'a vanguardia internacional. En 1985 s'inauguró lo Museu Pablo Gargallo en o Palacio Arguillo de Zaragoza .

O Museu cuenta con un sobrebuén centro de documentación an se puet consultar información d'a suya vida y obra de l'artista. Antimás, o centro arrocla un impotant fundo decumental sobre atros escultors contemporanios.

Belunas d'as suyas obras[editar | editar código]

  • Retrato a Pablo Picasso (1912).
  • O virtuoso (1921).
  • A muller con a sombrerilla (1921).
  • Mesacha de Casp (1929).
  • Bailarina espanyola (1931).
  • O Profeta (1933).

Vinclos externos[editar | editar código]