Umar ibn al-Khattāb
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| `Umar ibn al-Khattāb | |
|---|---|
| Califa y Prencipe d'os creyents | |
.jpg) | |
 2º Califa y Prencipe d'os creyents | |
| 634 - 644 | |
| Predecesor | Abú Bakr |
| Succesor | Uthman |
| Nombre real | عمر بن الخطاب |
| Naixencia | 584 A Meca |
| Muerte | 7 de noviembre de 644 Medina |
| Enterreco | Mezquita d'o Profeta en Medina |
| Conchuche/s | Umm-Kulthum bint Alí Umm-Kulthum bint Jàrwal al-Khuzaí Jamila bint Thàbit Àtika bint Zayd Qurayba bint Abi Umayya |
| Descendencia | Abdullah ibn Umar Hafsa bint Umar |
`Umar ibn al-Khattāb (en arabe عمر بن الخطاب) u simplament Umar I (tamién puede veyer-se a transliteración Omar) estió lo segundo d'os ditos califas ortodoxos d'o Islam, succesor d'Abú Bakr, gubernando entre o 634 y o 644
Naixito d'A Meca en o 584 alto u baixo, combatió en un primer inte contra Mahoma y os fiels d'a nueva relichión, pero mas tardi se convirtió a lo Islam y en un d'os lugartenients mas fiels d'o profeta. Yera antimás suegro de Mahoma, ya que iste se casó con a suya filla Hafsa.
Dezaga de ser esleito califa, Umar baralló contra l'Imperio Bizantino y Persia. Principió a conquiesta d'o Mediterranio oriental, metendo las bases de l'imperio islamico que os suyos succesors enamplarban. Conquirió a Siria bizantina en 638, Palestina, Echipto en 642 y Mesopotamia, mas tardi dita Iraq, a mesma anyada, dezaga la Batalla de Nehavend. En toz os territorios conquiestos conservó as estructuras administrativas existents y no prebó de cambear as creyencias relichiosas d'os suyos habitants, entre atras cosas porque protechió a toz os no musulmans baixo lo estatuto de dimmís u "protechitos", lo que les obligaba a pagar un impuesto especial que proporcionaba importants ingresos a lo Estato islamico. As suyas tropas yeran mantenitas en un cierto aislamiento d'a población en os puestos conquiestos y yeran pagatas con o botín obtenido.
Umar estió lo primer califa que habió lo títol de Principe d'os creyents (أمير المؤمنين amīr al-mu'minīn). Establió a era d'a Hechira, por a que se riche o calandario musulmán, con prencipio lo 16 de chulio de l'anyo 622. Tamién mandó construir a famosa Cupula d'a Roca en Cherusalem, arredol d'a roca en la que, seguntes a tradición, Abraham se dispuso a sacrificar a lo suyo fillo Ismael (Isaac en a tradición chodigocristiana) y dende la que Mahoma puyó a lo cielo.
Morió asesinato lo 7 de noviembre de 644 en a mezquita de Medina (capital d'o Estato) por un esclau persa dito Firūz. O suyo succesor estió Uthman.
