Ulrike Meinhof
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ulrike Meinhof | |
|---|---|
.jpg) Ulrike Meinhof en una foto presa antis d'o suyo paso a la clandestinidat | |
| Información personal | |
| Naixida o: | 7 d'octubre de 1934 |
| Naixida de: | .svg){kind=small} Oldenburg
|
| Muerta o: | 9 de mayo de 1976 |
| Muerta en: |  Stuttgart
|
| Ocupación: | Periodista y miembro d'o RAF |
Ulrike Marie Meinhof estió una periodista alemana naixita o 7 d'octubre de 1934 d'Oldenburg y muerta o 9 de mayo de 1976 en Stuttgart. Estió una militant d'ultraezquierda alemana que prencipió a suya vida profesional como periodista. Estió una d'as fundadoras d'a Fracción de l'Exercito Royo, grupo armato tamién conoixito como Baader-Meinhof por o nombre d'os dos prencipals militants.
Meinhof estudió filosofía, pedagochía, sociolochía y alemán en a Universidat de Marburg en 1955/56. En 1957 cambeo d'universidat y continó os suyos estudios en a Universidat de Münster a on que coincidió con o filosofo Manuel Sacristán (qui dimpués traduciría y editaría os suyos textos) y pasó a fer parti d'o Movimiento d'Estudiants Socialistas (Sozialistischer Deutschen Studentenbund). Poco dimpués s'implicó en o movimiento antinucleyar d'o suyo país esfendendo as suya ideyas dende a redacción d'a revista politica Konkret, vinclata a la ezquierda radical. Se casó con o comunista Klaus Rainer Röhl en 1961 y tenió dos fillas cheminucas, Bettina y Regine, o 21 de setiembre de 1962.
Divorciata en 1968, s'unió por ixas envueltas a grupos d'ezquierda mas radicals en Berlín Occidental. En 1970, vista a ineficacia d'os meyos ordinarios de luita emplegatos por a ezquierda marxista alemana, aduyó a Andreas Baader a eslampar d'a garchola y dimpués fació parti de robos a bancos y atemtatos con bomba contra fabricas y bases militars americanas. A prensa alemana denominó a escape a o grupo como «grupo Baader-Meinhof». Meinhof escribió muitos d'o ensayos y manifiestos que a banda proclamó, enunciando o concepto «guerrilla urbana», emplegato ta combatir lo que ella deciba «explotación de l'hombre común» y «imperialismo d'o sistema capitalista». Presa en 1972 en Langenhagen, fue condenata en audiencias preliminars a 8 anyos de garchola cautelar.
Mientres se desembolicaba o chuicio definitivo, a on que o fiscal pediba a cadena perpetua, la troboron muerta en a suya celda o 9 de mayo de 1976 (cabo d'anyo d'a redota nazi en a Segunda Guerra Mundial), penchada d'o teito. O gubierno alemán dició que s'heba suicidato, tesi confirmata por una comisión d'investigación. Manimenos encara bi ha muitas dudas.
En 2002, se reveló que o cerebro de Meinhof heba estato quitato d'o suyo cranio sin o consentimiento d'a familia, habendo-se-ie realizato diversas investigacions. Bernhard Bogerts, psiquiatra d'a Universidat de Magdeburg, diz que una operación en o suyo cerebro que se fació en os anyos sesenta habría contribuyito a fer d'ella una terrorista.
Bibliografía
[editar | modificar o codigo]- Pequeña antología (Barcelona, Anagrama, 1976). Trad. Manuel Sacristán.
- Bambule (Barcelona, Icaria, 1978).
- Carta de una presa en la galería de la muerte y otros escritos (Barcelona, Icaria, 1978). Trad. Pedro Marigal.
Vinclos externos
[editar | modificar o codigo]
| Control d'autoridaz |
|
|---|
Datos: Q76543
Multimedia: Ulrike Meinhof / Q76543