Troya

De Biquipedia
Ir ta: navego, busca
Troya

Troya (en griego Τροία u Τροίας tamién clamada Ίλιον u Ίλιος, Wilusa en hitita y Truva en turco) ye una ciudat an se desembolicó a Guerra de Troya. A parola Wilusa ye d'orichen hitita y, seguntes os estudeos de Frank Starke en 1997, de J. David Hawkins en 1998 y de W. D. Niemeier en 1999, indica a Troya homerica.

Ista celebre guerra fue descrita, en parte, en a Ilíada, un poema epico de l'Antiga Grecia. Iste poema s'atribuye a Homero, qui lo compondría, seguntes a mayoría d'a critica, en o sieglo VIII a. C. Homero tamién fa referencia a Troya en a Odisea.

Dimpués de sieglos d'ixuplido, as ruinas de Troya fuoron descubiertas en as excavacions realizadas en 1871 por Heinrich Schliemann. En 1998, o puesto arqueolochico de Troya fue declarau Patrimonio d'a Humanidat por a Unesco, afirmando que:

Tien un significau a-saber-lo de gran ta l'entendimiento d'a evolución d'a civilización europea en un estau basico d'as suyas primeras etapas. Ye, amás, d'una excepcional importancia cultural por a profunda influencia d'a Ilíada d'Homero en as artes creativas entre mas de dos milenios.

En o "Libro d'el Trasoro" parlan un poquet d'a ciudat:

Aquest Priamo, rey de Troya, fue padre del buen Etor e de Paris. E aquest Paris aduxo a Elena de Grecia, que era muller del rey Menalau de Grecia, por vengança de lo queyo vos he departido: por que Troya fue destroyda finalment...

Chuan Ferrández d'Heredia acomandó taller de traductors d'Avinyón a traducción d'o libro "Historia Troyana" a l'aragonés, y tamién se mencionan feitos esdevenitos en a guerra de Troya en libros d'Heredia como a "Cronica de los Conquiridors".