Teresa Chil de Vidaurre

De Biquipedia
(Reendrezau dende Tresa Gil de Vidaurre)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Teresa Chil de Vidaurre
Reina consort d'Aragón

1251-1285[1]

Muerte 15 de chulio de 1285
Valencia, Reino de Valencia
Enterreco Reyal Monasterio d'a Zaidía y dende 1957 en Santa María de Gratia Dei de Benaguacir.
Predecesor Violant d'Hongría
Succesor Constanza de Sicilia
Conchuche/s Chaime I d'Aragón
Descendencia Chaime d'Exerica
Pero d'Ayerbe
Pai Chuan de Vidaurre

Escudo de Teresa Chil de Vidaurre

Teresa Chil de Vidaurre naixida d'un puesto desconoixido d'o Reino de Navarra y en calendata desconoxida y muerta en Valencia, Reino de Valencia o 15 de chulio de 1285, estió una dama noble filla d'o noble navarro Chuan de Vidaurre que se casó en secreto con Chaime I d'Aragón, con qui tenió dos fillos: Chaime d'Exerica y Pero d'Ayerbe.

En l'anyo 1255 Chaime I li atorgó lo Castiello d'Exerica, que con atras adquisicions posteriors constituiría en lo futuro la Baronía d'Exerica.

En l'anyo 1265 contrayó la lepra y Chaime la deixó pa prebar de tornar casar-se. Teresa recurrió a Roma, y no s'admitió l'anulación de lo casamiento,[2] que fue reconoixiu por lo papa Climent IV. Teresa se recluyó en lo convento de la Zaidía de Valencia, fundau por ella mesma y a on fue sozterrada.

Los fillos de Chaime I y Teresa Chil de Vidaurre fuoron lechitimaus por lo rei, y dica se lis reconoixió dreitos dinasticos en caso de morir los hereus fillos de matrimonios anteriors.[2] Chaime heredó la Baronía d'Exerica y Pero la Baronía d'Ayerbe.

Estió a impulsora d'a construcción y fundación d'o Monasterio d'a Zaidía an murió y fue sepultada, tamién reposaban allí os suyos fillos Chaime d'Exerica y Pero d'Ayerbe chunto as suyas esposas, Aldonza de Cervera y Elfa Álvarez de Azagra. Dimpués d'a Gran riada de Valencia de 1957 lo monesterio quedó muito danyau y la congregación decidió la suya venda y treslado difuera de Valencia enta lo municipio de Benaguacir a on en l'actualidat las suyas restas son en monasterio de Santa María de Gratia Dei.

Referencias[editar | modificar o codigo]

  1. Nunca no estió reina oficialment
  2. 2,0 2,1 (es) Teresa Gil de Vidaurre en la Gran Enciclopedia Aragonesa, consultada o 22 d'agosto de 2012.


Predecesora:
Violant d'Hongría
Reina consort d'Aragón
1251-1285
Succesora:
Constanza de Sicilia