Tractau de Roskilde

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Adquisicions suecas seguntes as clausulas d'o Tractau de Roskilde: * en marrón o Reino de Dinamarca y Noruega. * en verde o Reino de Suecia. * en violeta Trondheim, cedida por Noruega, y a isla de Bornholm cedida por Dinamarca. * en amariello as provincias de Bohuslän (a o norte, cedita por Noruega) y d'Escania y Belkinge (a o sud, cedidas por Dinamarca). * en royo a provincia de Halland (cedida por Dinamarca).

O Tractau de Roskilde (tamién dito a sobén Paz de Roskilde) ye un tractau internacional sinyau entre Dinamarca (u reino de Dinamarca y Noruega) y Suecia o 26 de febrero de 1658 en a ciudat danesa de Roskilde, que remataba con o estau de guerra entre ixos dos reinos.

Seguntes as clausulas d'o tractau, o reino de Frederico III de Dinamarca cedeba a o reino de Carlos X Gustavo de Suecia:

• Provincias de Dinamarca: Scania, Blekinge y Halland (ista provincia ya heba estau cedida a Suecia, encara que nomás temporalment, por o tractau de Brömsebro de 1645).
• Isla de Bornholm.
• Provincias de Noruega: Trondheim y Bohuslän.

Sindembargo, o rei de Suecia atacó a Dinamarca, inclumplindo as condicions d'o Tractau, y por o Tractau de Copenaguen de 1660 Dinamarca recuperó a isla de Bornholm y Noruega a provincia de Trondheim.