Tā moko

De Biquipedia
Ir a la navegación Ir a la búsqueda
Pāora Tūhaere, líder maorí con o tradicional tā moko

Tā moko ye un debuixo permanent en o cuerpo y a cara d'os maorís, o pueblo indichena de Nueva Zelanda. Ye diferent d'o tradicional tatuache, ya que a piel ye tallada por un uhi [1] (cisel) en cuentas de foratar-se. Isto deixa a piel con ranuras en cuentas d'una superficie lisa. O tatuache ye comú en as islas d'o Pacifico. Manimenos, as tecnicas practicadas por os maorís difieren significativament d'as emplegadas por os suyos homologos d'a Polinesia. Os tatau (Tahití y Samoa), tatatau (Islas Cook) y kakau (Hawaii) fan servir punchos de diferents midas que perforan a piel, deixando o pigmento chusto por dencima d'a suya superficie. Os maorís han desenvolicau punchos y cisels ta tallar fundament en a piel, producindo encarnaduras fundament acanaladas. Ista tecnica ye aplicable nomás a la sociedat maorí. Os motivos espirals distintivos en o tatuache maorí y a talla tamién son diferents d'as d'atros disenyos polinesios.[2]

O capitán James Cook escribió en 1769:

As marcas en cheneral son espirals debuixadas con gran sutileza y mesmo elegancia. Un costau se corresponde con l'atro. As marcas en o cuerpo s'asemellan a la follarasca en os viellos ornamentos, circumvolucions de filigranas treballadas, pero ellas tienen tal luxo de formas que, de cada cient que en primeras pareixeban exactament igual, no bi ha dos iguals dimpués de fer un examen minucioso.[3][4]

Os tohunga-tā-moko (u tatuadors)[5] se consideran tapu u, excepcionalment, inviolables y sagraus.[6]

Tradicionalment istas marcas teneban un significau. Por eixemplo: a fulla de felequera de doble cara gosa representar que qui porta a marca ye un guerrero.[7]

Referencias[editar | editar código]

  1. (en) "Fig. 46.—Uhi, or chisels in the British Museum (actual size). Presented by Sir George Grey, K. C. B., &c". http://www.nzetc.org/tm/scholarly/RobMoko-fig-RobMoko048a.html. Retrieved 17 d'octubre de 2016. 
  2. (en) Story: Tā moko – Māori tattooing
  3. (en) Major-General Robley (1896). “Moko and Mokamokai — Chapter I — How Moko First Became Knows to Europeans”, Moko; or Maori Tattooing. Chapman and Hall Limited. Consultato lo 17 d'octubre de 2016.
  4. (en) "Tattoo History Museum". vanishingtattoo.com. http://www.vanishingtattoo.com/tattoo_museum/maori_tattoos.html. Retrieved 17 d'octubre de 2016. 
  5. En maori, a parola tohunga significa «experto», y bi ha quantos termins que s'utilizan ta diferents disciplinas como tohunga-whakairo (experto en esculpir) u tohunga-rongoa (experto en a curación con plantas medicinals).
  6. (en) "The Māori - The Tattoo (Ta Moko)". http://history-nz.org/maori3.html. 
  7. (en) "The rise of the Maori tribal tattoo". Ngahuia Awekotuku, BBC Magazine, 21 de setiembre de 2012