Túnel nuevo de l'Elba

De Biquipedia
Ir a la navegación Ir a la búsqueda
Dentrada a o túnel

O túnel nuevo de l'Elba (en alemán Neuer Elbtunnel), u simplament o túnel de l'Elba (en alemán Elbtunnel) ye un túnel que trecruza l'Elba situato en a ciudat d'Hamgurgo en o norte d'Alemanya.

Descripción[editar | editar código]

O túnel de l'Elba tien una largaria de 3,1 km. Fa parti d'a Bundesautobahn 7 en Hamburgo, conectando Schleswig-Holstein (en dirección a Dinamarca) por o norte y a Baixa Saxonia por o sud. Tien 8 carrils en 4 foraus. O mas nuevo, o quatreno forau ye l'unico que tien un arcén, minimizando asinas as conchestions quan bi ha vehiclos estropiciaus.

Historía[editar | editar código]

O túnel se construyó entre 1968 y 1975 y teneba tres foraus, con un total de seis carrils d'autovía. O 10 de chinero de 1975 canciller d'Alemanya Helmut Schmidt inauguró o túnel de l'Elba. Iste túnel fue construyito ta una capacidat de 65.000 diarios.

Anvista d'o puerto d'Hamburgo (enta o sudeste)

En 1989 se constuyoron barreras antitanque de formigón en as tres dentradas sud. En tiempos de guerra istas barreras s'habrían de quitar d'o puesto a on se trobaban y mer en mel meyo d'a carretera. Istas barreras se quitoron en l'anyo 2000 quan se construyó o quatreno forau 4th bore.

Enampladura[editar | editar código]

Ta poder acullir a o gran volumen de trafico que bi heba, o 27 d'octubre de 2002 s'ubrió un quatreno forau con dos carrils adicionals. Se foratió a traviés d'o terreno fendo servir a tuneladora mas gran d'o mundo con un frontal de 14.65 m de diametro. O nombre d'a maquina yera Trude, diminutivo de Gertrud, y acronimo de Tief runter unter die Elbe (en idioma alemán "Fundo baixo l'Elba"). L'Achencia Espacial Europea aduyó en as fainas d'incheniería en o disenyo d'a maquina tuneladora.

Os dos foraus centrals tienen carrils reversibles que permiten endrezar o trafico enta un sentiu u l'atro. Asinas, por eixemplo, a mayoría de carrils se fan servir de maitins en dirección norte, enta Flensburg ya que ye mayor a ixas horas o fluxo de treballadors enta ista zona. D'atra man de tardis se fan servir en dirección sud enta Hanover ta permitir pasar a o trafico que sale d'a ciudat.

Tuneladora emplegata ta construyir o túnel de l'Elba

Control d'altaria de vehíclos[editar | editar código]

Dende a oficina d'operacions d'o túnel se controla o trafico con un total de 72 monitors. Se fan servir luces de tráfico, barreras y mensaches variables ta regular o trafico de 150.000 vehíclos diarios que i pasa.

Totz quatre foraus son equipatos con controls automaticos d'altaria en cada dentrada. Quan un vehíclo con mas de 4 metros d'altaria mira de dentrar en o túnel o sistema atura tot o trafico que bi haiga en o carril y dirección d'ixe vehíclo. Iste sistema permite guaranciar que os cambions con sobrepeso no puedan estricallar o túnel. A brigada de bombers y a policía d'o túnel quitan ascape a o cambión d'a circulación y tornan a restableixer o trafico.

Se veiga tamién[editar | editar código]

Referencias[editar | editar código]

  • (de) Ulrich Alexis Christiansen: Hamburgs dunkle Welten. Der geheimnisvolle Untergrund der Hansestadt. Ch.Links Verlag, Berlin 2008, ISBN 3-86153-473-8