Puerto d'Hamburgo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O puerto d'Hamburgo (en alemán Hamburger Hafen) ye un puerto situato en a ciudat d'Hamburgo, Alemanya, sobre o río Elba. O puerto se troba a 110 kilometros d'a desembocadura de l'Elba en a Mar d'o Norte.

Se conoixe como a "puerta enta o mundo" d'Alemanya y ye o puerto mas importante d'iste país It is named Germany's "Gateway to the World" and is the largest port in Germany. En termins de TEUs, o puerto d'Hamburgo ye o tercer puerto mas important d'Europa (dimpués d'os puertos de Rotterdam y Anvers) y o 15^eno mas gran d'o mundo. En 2011, se manulloron 9 millions de containers en Hamburgo.

A superficie total d'o puerto ye de 73.99 km² (64.80 km² útils), d'os que 43.31 km² (34.12 km²) son terrestres. A localización aproveita una branca de l'Elba, creyando un puesto ideyal ta o complexo portuario y as suyas instalacions de almadazens. A zona franca chunto a o puerto s'albandonó en 2013.

Historía

O puerto ye cuasi tan antigo como a propia ciudat d'Hamburgo. Establito o 7 de mayo de 1189 por Frederico I por a suya situación estratechica, ha estato o puerto prencipal d'Europa Central mientres muitos sieglos y permitió a Hamburgo tornar-se en una ciudat líder en comercio con una rica burguesía.

Mientres os anyos d'a Liga Hanseatica entre os sieglos XIII y XVII, Hamburgo yera considerata como o segundo puerto mas important dimpués d'o puerto d'a ciudat de Lübeck debito a la suya posición como nyudo prencipal ta o comercio maritimo.

En a segunda metat d'o sieglo XIX, Hamburgo se convirtió en un puerto prencipal ta os trasatlanticos y dende 1871 en o prencipal puerto comercial d'Alemanya. Por ixas envueltas l'Hamburg America Line yera a companyía de barcos mas gran d'o mundo. A zona franca d'o puerto, establita o 15 d'octubre de 1888, permitió a os comerciants poder almadazenar as suyas mercaderías sin tener que trescruzar as aduanas, reforzando asinas a posición d'Hamburgo en o comerció maritimo con os países vecins. O Moldauhafen teneba un status parellán, pero en iste caso nomás relacionato con a Republica Checa.

A Speicherstadt, un d'os iconos arquitectonicos d'Hamburgo actualment, ye un gran muelle de 350.000 m² d'aria situato en a marguin norte d'o río y construito en os anyos 1880 como parti d'a zona franca y ta poder alzar a gran cantidat de biens que s'almadazenaban en o puerto.

As drasanas d'Hamburgo perdioron muitos barcos dimpués d'a Primera y Segunda Guerra Mundial y tamién en o periodo de división d'Alemanya entre 1945 y 1990. O puerto d'Hamburgo perdió muitas d'as tierras interiors que pasoron a l'Alemanya de l'Este, y por tanto tamién muitas connexions comercials. Manimenos, dende a reunificación d'Alemanya, a cayita d'o telón d'acero y a ixampladura d'a Unión Europea, Hamburgo ha creixito prou, convertindo-se en un d'os prencipals centros lochisticos d'Europa y un d'os puertos mas grans y con mas trafico d'o mundo.

Toz os anyos se celebra o cabo d'anyo d'o puerto (O Hafengeburtstag) mientres o primer cabo de semana de mayo, estanto iste un d'os mas grans eventos publicos d'a ciudat d'Hamburgo. Os vesitants i plegan dende toz os puestos d'Alemanya y Europa ta fer parti d'as festividaz. Os remolcadors fan "ballets" por as auguas d'o río, se fan vesitas por os antigos vaixiellos y os modernos crucers y de nueiz se fan fuegos artificials.