Túnel de Bielsa-Aranyonet
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Ta o túnel chicot de Bielsa se veiga túnel de Bielsa
| Bielsa-Aranyonet Bielsa-Aragnouet | |
|---|---|
 Dentrada a o túnel en Aragón | |
| Situación | |
| País |  Bigorra Aragón
|
| De ta |
Bielsa Aranyonet |
| Datos chenerals | |
| Altaria | 1.664-1.821 m |
| Trazau / construito en |
|
| Maxima costera | % |
| Longaria | km |
| Tipo | Carretera |
| Zarrau d'hibierno |
|
O túnel de Bielsa-Aranyonet u simplament o túnel de Bielsa ye un túnel carretero internacional situato en o Perineu central que une as vals de Bielsa (Aragón) y d'Aura (Bigorra).
Historia[editar | modificar o codigo]
Fue construito por un convenio internacional entre o Gubierno espanyol y o Consello Cheneral d'o departamento d'os Altos Perineus en a decada d'os anyos 1970. L'alcalde d'a localidad de Sent Lari e Sola, Vincent Mir, estió o suyo prencipal empentador. Dimpués de cuantos retrasos debitos a problemas tecnicos o túnel s'inauguró en octubre de l'anyo 1976.
Debito a o duro clima perinenco y la manca d'atención por parti d'as autoridaz espanyolas y francesas o túnel s'estropició prou, por lo que en primerías d'o sieglo XXI se facioron obras de reforzamiento y s'amilloró a seguridat en instalar-se un semaforo que impide que dos camions se crucen en l'interior d'o estreito túnel. En l'anyo 2008 o Gubierno d'Aragón y o departamento d'os Altos Perineus sinyoron un alcuerdo ta formar un consorcio que chestiona de traza conchunta tanto o túnel internacional como cuantos kilometros (4,5 km d'a carretra autonomica A-138 en Aragón y 6,1 km d'a carretera departamental RD-118 en os Alto Perineus) d'as carreteras que sirven d'acceso a o mesmo dende os dos países, estando l'obchectivo prencipal a limpieza hibernal ta mantener ubierto o paso transperinenco.
A solución finitva ta o túnel de Bielsa sería a de construir un segundo tubo de traza que cadagún d'os túnels fuese unidireccional, manimenos no pareixe que agane muito d'enamplar o túnel dende dengún d'os dos cantos d'a muga. Amás d'iste feito, o Gubierno Francés ye mirando de derivar parti d'os traficos perinencos d'a carretera enta o ferrocarril y d'atra man, cal decir que a versant francesa ye una zona protechita con una carretera de carácter secundario.
Caracteristicas[editar | modificar o codigo]
Ye un túnel d'un solo tubo de doble dirección con una longaria de 3.070 metros, d'os que 1.298 se troban en tierra aragonesa y 1.772 en Occitania. A dentrada d'o costato aragonés ye a 1.664 metros d'altaria y a occitana a 1.821 metros. Debito a l'altaria ye un túnel que se gosa zarrar a la circulación frecuentment en hibierno.
Se veiga tamién[editar | modificar o codigo]
Vinclos externos[editar | modificar o codigo]
- (es)(fr) Consorcio Bielsa-Aranyonet