Romandía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Romandía u a Suiza Romanda, tamién dita a Suiza romana u a Suiza Francesa (en francés: la Suisse romande u la Romandie, en francoprovenzal: la Romandie, en alemán: Welschschweiz , en italiano Svizzera Romande u Romandia) ye a parti de Suiza a on se parla tradicionalment francoprovenzal y francés y a on a luenga oficial ye o francés. Comprende os cantons de Chinevra, Vaud, Neuchâtel y Jura, asinas como as zonas francofonas d'os cantons de Berna, Valais y Friburgo. Alto u baixo 1,5 millons de personas (o 20% d'a población suiza) vive en a Romandía.

O francés suizo y o francés de Francia son a mesma luenga con bellas diferencias. Por eixemplo, como en atras rechions de parla francesa, os francofonos suizos (y tamién os de Belchica por eixemplo) fan servir septante (setanta) en cuentas de soixante-dix(literalment, "sesanta-diez") y nonante (novanta) en cuentas de cuatre-vingt-dix (literalment "cuatre-vente-diez"). En bellas partis de Romandía, os parlants fan servir octante u huitante (ueitanta) en cuentas d'o suyo homologo en francés de Francia cuatre-vingt (literalment "cuatre-vente").^[1]

O idioma francoprovenzal yera predominant en a mayor parti d'as zonas rurals d'ista rechión dica primerías d'o sieglo XX. L'idioma alemán de Suiza ha retaculato bels kilometros enta l'este debant d'o francés dende zaguerías d'o sieglo XIX, isto se nota mas que mas en o cantón bilingüe de Valais/Wallis, quedando bels enclaus chicoz isolatos, mas que mas en o cantón de Jura.

O termin "Romandía" no existe formalment en o sistema politico, pero se fa servir ta distingir y unificar a población francofona de Suiza. A canal de televisión Télévision Suisse Romande (TSR) ye destinato chustament a ista población, y ye asociato a la TV5.