Sufixo -enza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -enza ye un sufixo patrimonial resultant d'a evolución d'a terminación latina -ENTIA d'acuerdo con a fonetica aragonesa. S'une a radices u bases verbals pa creyar nombres abstractos d'acción.

A suya presencia se puet explicar a partir d'un derivau latín rematau en -ENTIA u a partir d'un verbo romanz anyandindo -enza:

Derivación en luenga latina: TENERE > TENENTIA
Evolución d'alcuerdo con a fonetica aragonesa: TENENTIA > tenienza.

Bi ha cultismos y semicultismos derivaus d'esta mesma terminación latina que rematan en -encia u una presión culta que ha feito que mos trobemos en os textos medievals con doblez lexicos d'una mesma palabra latina, la una patromimonial rematada en -enza y l'atra culta rematada en -encia en os textos medievals, (tenienza/tenencia).

Cultismos y Semicultismos remataus en -encia en textos medievals altoaragoneses

Licencia.
Inobidiencia.
Pertinencia.
Presencia.
Residencia (costrucción culta feita a partir d'o verbo romanz residir).
Resistencia.
Ciencias.
Consciencia.
Sentencia.

Cultismos y Semicultismos remataus en -encia en aragonés actual

Conoixencia (parcialment castellanizau a sobén como conocencia).
Ciencia (se pronuncia vulgarizau como Cencia)

Referencias

Bibliografía

(es) Laguens Gracia, Vicente: Algunos aspectos de la derivación en textos altoaragoneses del s. XV. Archivo de Filología Aragonesa. Nº 36, 1958.
(es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
(es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999).
(es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
(es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396.

Datos: Q20618729