SpaceX Starship

De Biquipedia
Ir a la navegación Ir a la búsqueda
SpaceX Starship
BFR in flight (cropped)-2018 version.png
Representación artistica d'a SpaceX Starship
Datos chenerals
Estato en desembolique
Aplicación Nau espacial tripulata
Operadors Flag of the USA.svg SpaceX
Destín Marte
Especificacions tecnicas
Masa 5,000,000 kg
Grandarias Largaria 122 m
Diametro 9 m
Propulsión 28 motors Raptor
Volumen habitable 1,100 m³

O sistema SpaceX Starship ye una nau espacial, de dos etapas a la orbita, completament reutilizable actualment en desembolique por a interpresa SpaceX dende 2012, como que un prochecto de vuelo espacial privau autofinanziau con a qual se pretende colonizar Marte, amás d'efectuar vuelos intercontinentals en tiempo record. .

Comparanza d'o sistema SpaceX Starship con atros codetes.

Partis[editar | modificar o codigo]

O sistema SpaceX Starship tien dos partis:

  • A primera etapa clamada SuperHeavy, que en o pasau tamién estió conoixida por o nombre informal de BFR ("Big Fucking Rocket"), s'aspera que tienga 72 m de largaria y 9 m de diametro con una masa bruta de desapegue de 3.680.000 kg. Se construirá con tanques y estructura d'acero inoxidable, que contiengan metano liquido subenfriado y oxichén liquido (CH4 / LOX) propulsadas por ~ 28 motors Raptor que proporcionarán un empente total de desapegue de 72.000 kN.[1]
  • A segunda etapa ye clamada Starship u Starship upper stage. S'aspera que tienga 9 m de diametro, 50 m d'altaria, y será una nau espacial totalment reutilizable con una masa ixuta de 120 t (120 toneladas largas; 130 toneladas curtas) propulsada por seis motors Raptor. L'empente total d'a nau estelar será d'aproximadament 11.500 kN.

Prebatinas[editar | modificar o codigo]

Dica que o sistema completo sía d'o tot listo se realizan quantas prebas con diversos prototipos.

Vuelo Calendata Prototipo Altaria d'o vuelo Durada Comentarios
1 5 d'abril de 2019 Starhopper ~ 1 m ~ 3 segundos Vuelo ligau con una soga y con solament un motor Raptor.
2 25 de chulio de 2019 Starhopper 20 m[2] ~ 22 segundos Primera preba de vuelo libre. Nomás que un solenco motor Raptor.
3 27 d'agosto de 2019 Starhopper 150 m ~ 57 segundos
4 4 d'agosto de 2020 Starship SN5 150 m ~ 45 segundos
5 3 de setiembre de 2020 Starship SN6 150 m ~ 45 segundos
6 9 d'aviento de 2020 Starship SN8 12.5 km 6 minutos, 42 segundos A nau de prebatinas SN8 s'esclata en a plataforma d'aterrizache[3] dimpués de completar 6 menutos y 42 segundos de vuelo a causa d'a baixa presión en o tanque de combustible, o que provoca una alta velocidat d'aterrizache y una falla en l'aterrizache.
7 2 de febrero de 2021 Starship SN9 10 km 6 minutos, 26 segundos Entre l'aterrizache, un d'os motors Raptor no s'encendió con exito, o que resultó en un aterrizache brusco que esclafó a SN9.[4]
8 3 de marzo de 2021 Starship SN10 10 km 6 minutos, 24 segundos SN10 aconsiguió un aterrizache exitoso con una liuchera inclinación pero un incendio amán d'a base fazió que esclatase ueito minutos dimpués de l'aterrizache.[5]
9 30 de marzo de 2021 Starship SN11 10 km 6 minutos A nau SN11 estió lanzada enmeyo d'una abundant boira. Dimpués de completar con exito l'ascenso, en a fase d'aproximación a la plataforma d'aterrizache esclató fendo cayer una plevida d'os suyos fragmentos.[6]
10 5 de mayo de 2021 Starship SN15 10 km 5 minutos, 59 segundos A preba estió un exito. A nau aterrizó sin problemas.

Referencias[editar | modificar o codigo]