Soldanato de Rum

	Soldanato de Rum; سلجوقیان روم; Saljūqiyān-e Rūm
	Situación de Soldanato de RumSoldanato de Rum antis d'a Tercera Cruzata
Capital	Nicea; Konya
Gubierno	Monarquía
Soldán; • 1060-1077; • 1303-1308	; Kutalmish; Mesud II
• División de l'Imperio Selchucida	1077
• Desaparición	1307

O Soldanato de Rum estió un estau islamico creyau en o centro d'a peninsula anatolica dimpués d'unas invasions turcomanas en un territorio que estió una d'as principals rechions de l'Imperio Bizantín, dito Rum por os turcomans.

Dimpués que os selchuquís vencioron en a batalla de Manziquert res no impediba que os turcomans s'ixemenasen por Anatolia oriental y central. Encomenzó a haber-ie una diferenciación cultural y de concepcions politicas entre las poblacions turcofonas, por un costau os que tendeban a sedentarizar-sen y preferiban un estau civilizau, tendencia representada por os que serán os selchuquís de Rum, y por atro los turcomans y gazis d'Anatolia Central y Oriental, que se preferiban una sociedat menos controlada y mes guerrera y se resistiban a acceptar a los selchuquís de Rum (y dimpués os otomans).

Enta l'anyo 1080 un selchucida se proposó unificar Anatolia y formó lo soldanato selchucida de Rum. En a practica o soldanato de Rum tendió a dominar o nuclio central d'Anatolia y adrezar l'actividat d'os gazis enta las provincias perifericas, udi, en contacto con os cristianos. En 1176 o soldán de Rum derrotó en Miriokefalon a los bizantins, que fuoron forachitaus d'Anatolia central ya de pa cutio. O soldanato tenió lo suyo apocheu a principios d'o sieglo XIII, dica que plegoron os mongols. Cuan a principios d'o sieglo XIV os mongols perdioron poder y lo soldanato de Rum desapareixió, os gazis tornoron a tener fuerza y aproveitoron a nueva plegada de turcomans.

Vinclos externos

Se veigan as imáchens de Commons sobre lo soldanato de Rum.

Bibliografía

(es) Jean Sellier y André Sellier: Atlas de los pueblos de oriente. Acento Editorial.

Datos: Q975405
Multimedia: Sultanate of Rûm / Q975405