Smoothie

De Biquipedia
Ir a la navegación Ir a la búsqueda
Smoothie de fraga y limón.

Un smoothie (de l'anglés smooth "tobo") ye una bebida feita a pur de puré de fruitas y / u verduras crudas, normalment con una liquadora. Un batiu a ormino tiene una base liquida como augua, suco de fruitas, leit vechetal y, a vegadas, productos lácteos, como leit, yogur, chelau u matón. Os batius pueden elaborar-se con atros ingredients, como que chelo picau, edulcorants (miel u zucre), vinagre, siero en polvo, chicolate u complementos nutricionals, entre atros a esleción personal.

Historia[editar | editar código]

O smoothie promana d'a tradición de prener mesturas de fruita fresca batida, en os países tropicals d'America Latina. Ista tradición ancestral pasó enta Estatos Unitos an rapidament se metió de moda.

O concepto naixió en California en zaguerías d'os anyos 1960 chunto a un boom de chent que sentiba a necesidat d'o cudiau personal y os chimnasios, as bebidas enercheticas y baixas en calorías y grasas. Os smoothies estioron una alternativa a las bebidas artificials u os refrescos.

Contraversia[editar | editar código]

Os smoothies son promocionaus como que una bebida con nutrients beneficiosos pa la salut, elaborada con fruita natural que aporta una gran cantidat enerchetica. Manimenos diversos estudeos han amostrau que contienen una enorme cantidat de zucre. Bellas organizacions han advertiu que o consumo de smoothies no equivale a consumir fruita fresca.[1]

Referencias[editar | editar código]

  1. (es) "Los smoothies no equivalen a la fruta fresca" en a pachina web d'a OCU