Sinyoría de Bugey

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A sinyoría de Bugey (en francoprovenzal Bugê) estió una churisdicción feudal de Borgonya, que amaneixió en o sieglo XI. Dende o suyo orichen ye unita a la sinyoría de Bresse.

Grand Colombier, a tuca mas alta de Bugey

O primer sinyor conoixito estió Rodolf (u Raúl) de Bugey y Bresse que vivió alto u baixo en 1015 y ye testimoniato ueito anyos dimpués. O suyo fillo Remón Reinaldo I que morió en 1072; o suyo fillo Galcerán vivió dica o 1108 y estió o pai d'Udulrico que morió en 1120 y tenió dos fillos: Ulrico que portió o títol de sinyor de Bugey pero talment morió antis que o pai arredol de l'anyo 1120; y Reinald II que estió sinyor de Bugey y Bresse y morió en 1153. O suyo fillo Ulrico I morió o mesmo anyo y l'herencio pasó a o segundo fillo Reinaldo III que morió en 1180. O suyo fillo Ulrico II de Bugey y Bresse gubernó dica o 1220; por o suyo matrimonio (1185) con Beatriz de Chalons, sinyora de Miribel adquirió ista sinyoría que su pai Guillén de Chalons l'eba donato en dote y que pasó a un fillo común dito Vito I, que va morió choven en Tierra Santa, deixando una nina, Margarida que aportó a sinyoría (o territorio de Domba) a o suyo hombre Humberto V sinyor de Beajeau o 15 de chulio de 1219, quedando unito a Beaujeu; Ulrico II deixó cuantos fillos entre éls Vito I de Bugey que como s'ha dito morió en a cruzata sobre l'anyo 1220 (probablement antis de 1219) y Reinaldo IV, muerto sobre o 1253; o sucesor estió o suyo fillo Vito II muerto en 1268; l' herencio correspondeba a la suya unica filla lechitima Simona Sibila, sinyora de Bugey, Bresse y con dreitos feudals en Miribel, casata o 1272 con Amadeu V de Saboya (muerto en 1323). A la muerte de Simona o 28 de febrero de 1294 Bugey, Bresse y os dreitos de Miribel pasoron a Saboya.

Lista de sinyors de Bugey y Bresse[editar | modificar o codigo]

Mapa de Bugey
  • Raúl (Rodolf) sobre 1015-1033
  • Remón Reinaldo I 1033-1072
  • Galcerán 1072-1108
  • Udulrico 1108-1120
  • Reinaldo II 1120-1153
  • Ulrico I 1153
  • Reinaldo III 1152-1180
  • Ulrico II 1180-sobre 1220
  • Vito I, sobre 1220
  • Reinaldo IV, sobre 1220-1253
  • Vito II 1253-1268
  • Simona Sibila 1268-1294
  • Amadeu V de Saboya 1272-1294 (hombre)
  • A Saboya 1294-1601
  • Incorporato a Francia per a Paz de León de 1601