Segallo

Un segallo.

O segallo ye o crabito que se troba d'entre os 15-20 dias y os 10-12 meses d'edat, momento en o cual comienza a experimentar os primers indicios de que ye arribando a la madureza sexual.

Se tracta d'o estadío de creiximiento siguient a o caloyo, que nomás cubre os primers dias dende o naiximiento, y o crabito primal, o pre-adulto u adulto choven que representa la edat cuan tienen a millor relación de finura d'a carne y peso en canal. O segallo ye a edat en a cual se sacrifica la mayoría de crabitos que se destina ta carne, especialment cuan rondan os 3 meses d'edat y son aman d'esvezar-se.

A la contra de como con os corders, con os crabitos no i ha tanta distinción d'entre os diferents momentos de a suya vida chuvenil: p. ex. no se fa diferenciación terminolochica d'entre un crabito esbezau y uno que encara tete. Isto se debe a que la craba tradicionalment ha estau una especie minoritaria en a cabanya ganadera, y tendeban a formar una minoría en os rabanyos de uellas (con as cuals s'asocian prou bien), por o que l'aprofitamiento d'os recursos que brinda no yera tan prencipal ta la economía d'as casas. Además, a craba ye famosa por tener una carne dura y correyosa, por o que ta consumo tansament no se'n aprofita si que as crías, reservando-se os adultos ta leit y poqueta cosa mas.

Se veiga tamién

• Caloyo
• Crabito primal
• Ternasco
• Pastenco
• Cuatrimudada
• Crabada
• Crabamen

• Datos: Q13050139