Felipe VI d'Espanya

Felipe VI d'Espanya
Rei d'Espanya
O rei Felipe VI en 2018.
Rei d'Espanya
19 de chunio de 2014 - hue
Predecesor	Chuan-Carlos I
Coronación	19 de chunio de 2014
Nombre real	Felipe-Chuan-Pavlo-Alifonso de Toz os Santos de Borbón y Grecia
Naixencia	30 de chinero de 1968 Madrit (Espanya)
Hereu	Alionor, princesa d'Asturias
Consort	Letizia Ortiz Rocasolano
Descendencia	Infanta Alionor Infanta Sofía
Casa reyal	Casa de Borbón
Pai	Chuan-Carlos I
Mai	Sofía de Grecia
Sinyal

Felipe VI de Borbón y Grecia (Madrit, Espanya, 30 de chinero de 1968), naixiu Felipe-Chuan Pavlo-Alifonso de Toz os Santos de Borbón y Grecia (Felipe Juan Pablo Alfonso de Todos los Santos de Borbón y Grecia en castellano), ye lo rei d'Espanya dende lo 19 de chunio de 2014. Ye lo tercer fillo d'os reis Chuan Carlos I d'Espanya y Sofia de Grecia.

Ye licenciau en Dreito por a Universidat Autonoma de Madrit (1993) y máster en Relacions Internacionals por l'Edmund Walsh School of Foreign Service d'a Universitat de Georgetown (1995). Ha recibiu formación militar en l'Academia Cheneral Militar de Zaragoza, a Escuela Naval Militar de Marín y l'Academia Cheneral de l'Aire de San Javier.

Estió miembro de l'equipo olimpico de vela espanyol en os Chuegos Olimpicos de Barcelona 1992, desfilando como abanderau d'a selección espanyola en a suya inauguración.

O 22 de mayo de 2004 se casó con a periodista asturiana Letizia Ortiz Rocasolano, con a que ha teniu dos fillas: o 31 d'octubre de 2005 a infanta Alionor y lo 29 d'abril de 2007 a infanta Sofia.

En naixer teneba la dignitat d'infant d'Espanya y dende lo 12 d'octubre de 1977 o títol de prencipe d'Asturias, con o tractamiento d'Alteza Reyal. Dende o 21 d'abril de 1990 estió tamién prencipe de Chirona, estando lo primer Borbón en fer servir iste títol. Tamién tenió lo títol de prencipe de Viana y atros títols propios d'os primochenitos d'os reinos hispanicos. O 30 de chinero de 1986, en fer deciueito anyos, churó fidelidat a la Constitución y a lo rei, debant d'as Corz Chenerals.

O 2 de chunio de 2014 su pai, Chuan-Carlos I, anunció la suya abdicación. O 19 de chunio lo succedió Felipe de Borbón, dimpués d'a Lei Organica 3/2014, de 18 de chunio. O suyo nombre reyal oficial (que sigue la numeración propia d'a Corona de Castiella) ye Felipe VI, anque seguntes a numeración de l'antiga Corona d'Aragón li correspondería lo de Felipe V d'Aragón.

Galería d'imáchens

• 
  O rei Felipe y la reina Letizia l'11 de mayo de 2025, en Mauthausen, mientres a celebración d'o 80^eno aniversario d'a liberación d'o campo d'exterminio.

Vinclos exteriors

• Se veigan as imáchens de Commons sobre S.M. o rei Felipe VI.
• (es) Pachina web d'a Casa Reyal d'o rei d'Espanya.

Predecesor: Chuan-Carlos I d'Espanya

Rei d'Espanya 19 de chunio de 2014 - l'actualidat

Succesor: en o cargo

• Datos: Q191045
• Multimedia: Felipe VI of Spain / Q191045