Salvador Benítez Griñó

De Biquipedia
Ir a la navegación Ir a la búsqueda
Salvador Benítez Griñó
Información personal
Calendata de naixencia 1918
Puesto de naixencia Flag of Aragon.svg Val de Robres (Matarranya, Aragón)
Calendata de muerte 2 d'abril de 2004
Puesto de muerte Flag of France.svg Céret (Francia)

Salvador Benítez Griñó ye naixito de Val de Robres (Matarranya) en 1918 y morió o 2 d'abril de l'anyo 2004 en Céret (Francia). Estió relativament famoso por muitas decadas por a suya presencia regular en totz os eventos festivos que podeba, entre os que destacaba a Nueit de Cabo d'anyo en a Puerta del Sol de Madrit, en os que luciba curiosos traches de botons que él mesmo disenyaba y un batiauguas encara que no plebese.

En Val de Robres ye conoixito por a suya embotata familiar de Pajaritos, y li provién d'un familiar suyo (pai u lolo), que yera un andaluz que treballaba en as obras d'o Entibo de Pena y cazó un au acuatica gran, li preguntoron que yera y dició un pajarito. Manimenos, fuera de Val de Robres y a suya redolata él s'ha feito dicir El Loco del Matarraña.

Poco enantes de rematar a Guerra Civil Espanyola s'exelló en Francia. Os alemans lo facioron preso y fue deportato d'o Campo de Concentración de Mauthausen, on teneba o numero 29.925. Él comenta que d'os siet de Valderrobres que yeran en Mauthausen no en sobrevivioron que dos. Dimpués d'a Segunda Guerra Mundial o gobierno alemán habió d'indemnizar-lo con una buena pensión, a la que se sumaban atras como a que li pagaba o gobierno francés por a suya participación en a Resistencia Francesa.

D'esta traza podeba dedicar-se a ir de fiesta en fiesta y exhibir-se con os suyos traches y a vegatas participar u organizar actividatz con muito inchenio. Sobre a suya afición a disenyar y coleccionar os traches y batiauguas plens de botons, él mesmo deciba en una entrevista:

Me divierto y divierto a los demás, que bastantes penas tiene el mundo. Yo mismo diseño los trajes. Y llevo 15 como éste.

O día d'o sorteyo d'a Lotería Nacional de Nadal siempre yera enfocato por as camaras de TVE, a l'igual que a nueit de cabo d'anyo en a Puerta del Sol.

Bibliografía[editar | editar código]

  • Fernando Gallardo El Maestrazgo, sierras de andar y ver. Revista Natura, Nº 77 Agosto de 1989, pach 64.

Vinclos externos[editar | editar código]