Rechions de Lituania

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Rechions etnograficas historicas
Rechions aintro d'as mugas d'a Lituania moderna. Basau en o mapa aprovau por o Consello ta a Protección d'a cultura etnica, un consello especial establiu por o Seimas.

   Lituania Menor

   Samochitia

   Aukštaitija

   Suvalkija

   Dzūkija

Lituania se puet dividir en rechions historicas y culturals (ditas rechions etnograficas). As mugas exactas no son de tot claras, ya que as rechions no son unidaz politicas u administrativas oficials. Son definidas por a cultura, como as tradicions nacionals, a forma de vida tradicional, cancions, contes, etc. Ta bellas rechions a subdivisión corresponde a las zonas d'os dialectos lituanos. Ista correspondencia no ye manimenos guaire estricta. Por eixemplo, encara que o lituano dzūkián se diz sud-aukštaitija, no quiere decir que Dzūkija siga parti d'Aukštaitija. En bellas partis de bellas rechions, os dialecteos d'atras rechions tamién se i parlan, mientres que por eixemplo en Samochitia (a on o samochitiano aconsiguió o estatus oficial de luenga en 2010 [1] bi ha tres dialectos indichenas (sud, norte y ueste d'o samochitiano), beluns d'os cuals se subdividen en subdialectos.

Rechions en a politica[editar | modificar o codigo]

Denguna rechión, fueras de Samochitia,[2] nunca no ha estau una entidat politica u administrativa. Manimenos, s'ha treballau recientment ta delimitar as suyas mugas con mas claridat, ya que bi ha un prochecto ta cambear o sistema actual de condaus en Lituania por rechions etnograficas, que serían ditas tierras (singular - zeme, plural - Zemes). Iste prochecto tamién ye refirmau por o feito de que con as funcions amugadas d'os condaus, 10 d'éls no s'amenistan. Un atro argumento en favor ye que en atros países se son tornando a usar as organizacions territorials historicas, mientres que en Lituania os condaus son divisions artificials. O prochecto fue refirmau por o expresident Rolandas Paksas, encara que en l'actualidat no ye claro cuan u si o prochecto se completará. Manimenos, Dzukija fa poco que adoptó o escudo y o emblema que se fería servir en o caso de que a reforma s'implementase. O condau d'Alytus, que se troba cuasi integrament aintro de Dzukija, aprovaba poco dimpués un escudo d'armas que se basa en o escudo d'armas historico de Dzukija. Samochitia tién una bandera y un escudo d'armas que datan d'a epoca d'o ducau de Samochitia. Lituania Menor tién un escudo utilizau dende o sieglo XVII y un himno orichinario d'o sieglo XIX. Manimenos, si a reforma s'implementase, muit probablement nomás bi habría 4 tierras, no 5, porque a mayor parti de Lituania Menor ye ocupada por Rusia y muitos lituanos fuoron forachitaus d'astí. A relativament chicota parti restant tamién ye poblada mayoritariament por foranos, ya que a mayor parti d'a población morió en a Segunda Guerra Mundial u fuó forachitada. Por tanto, Lituania Menor probablement s'achuntaria a Samochitia.

Encara que as rechions no son entidaz politico-administrativas, a mayoría d'ellas tienen as suyas "capitals" (ciudaz que son comunament consideradas como capitals). Istas ciudaz no son necesariament as mas grans d'a rechión.

Lista de rechions[editar | modificar o codigo]

  • Aukštaitija (literalment Tierras Altas). Rechión a o nord-este de Lituania, tamién incluye bels territorios historicos lituanos d'o sudueste de Letonia y o nordueste de Belarrusia. A capital ye Panevėžys, a ciudat mas gran d'a rechión.
  • Samochitia, (Žemaitija, literalment Tierras Baixas). Rechión a l'ueste de Lituania. A capital ye Telšiai mientres que a mayor ciudat ye Šiauliai.
  • Dzūkija (Dzūkija u Dainava (o zaguer nombre significa literalment "Tierra de cancions"). Rechión d'o sudeste de Lituania, tamién incluye historicament amplos territorios lituanos de Belarrusia, asinas como bels territorios de Polonia. A capital historica ye Alytus, y a mayor ciutat Vilna.
  • Suvalkija (Sūduva u Suvalkija). Rechión a o sudueste de Lituania, a rechión etnografica mas chicota. A capital historica ye Marijampolė y a mayor ciudat Kaunas.
  • Lituania Menor (Mažoji Lietuva). Rechión en a costa d'a mar Baltica, tamién incluye territorios con gran población historica lituana perteneixients a l'actual provincia rusa de Kaliningrad y una mica d'o norte de Polonia. A ciudat mas gran ye Klaipėda.

Referencias[editar | modificar o codigo]

  1. (en) Documentation for ISO 639 identifier: sgs. SIL international
  2. (en) "Samogitia (history)", Simas Suziedielis. Center of Rechions Cultural Initiatives of Samogitia

Se veiga tamién[editar | modificar o codigo]


Rechions de Lituania Bandera de Lituania
Aukštaitija | Dzūkija | Lituania Menor | Samochitia | Suvalkija