Realidat virtual

De Biquipedia
Ir a la navegación Ir a la búsqueda
Un soldau de l'Exercito d'os Estaus Unius fendo servir un sistema de realidat virtual pa entrenar-se..

A realidat virtual ye una experiencia simulada que puede estar semellant u de tot diferent a lo mundo real. As aplicacions d'a realidat virtual incluyen entretenimiento (per eixemplo, videochuegos), educación (per eixemplo, entrenamiento medico u melitar) y negocios (per eixemplo, achuntes virtuals). Atros tipos distintos de tecnolochía d'estilo realidat virtual incluyen a realidat aumentada y a realidat mixta, a vegadas denominada realidat extendida.[1]

Actualment, os sistemas de realidat virtual standard fan servir auriculars de realidat virtual u entornos multiproyectados pa chenerar imachens, sonius y atras sensacions realistas que simulan a presencia fisica d'un usuario en un entorno virtual. Una persona que fa servir un equipo de realidat virtual puede mirar arredol d'o mundo artificial, mover-se en ell y interactuar con elementos u funcions virtuals. L'efecto se creya comunament con auriculars de realidat virtual que consisten en una pantalla amontada en o tozuelo con una chicota pantalla frent a los uellos, pero tamién se puede creyar a traviés de cambras especialment disenyadas con multiples pantallas grans. A realidat virtual por un regular incorpora retroalimentación auditiva y de video, pero tamién puede permitir atros tipos de retroalimentación sensorial.

Referencias[editar | modificar o codigo]