Realidat

Universum - C. Flammarion, Holzschnitt, París 1888.

A realidat ye lo conchunto de tot lo que existe. Seguntes as escuelas filosoficas que analicen o concepto, a realidat puet incluyir u no entidaz difuera de l'alcance d'a percepción (como l'alma u Dios) u d'atra man puet estar o reino d'ixo que ye mesurable, accesible a traviés d'a razón u d'os sentitos y por tanto susceptible de estar emplegau como preba ta las hipotesis u chudicios. Real puet emplegar-se como sinonimo de cierto, d'existent u encluso de ser y amás gosa emplegar-se como antonimo de posible, irreal, ideyal u imachinario. En o sentiu común, por tanto, a realidat gosa equivaler a lo mundo exterior a uno mesmo, con una existencia fisica.

As disciplinas que s'ocupan d'a realidat son a Filosofía (en especial as brancas d'Ontolochía y Metafisica), a Sociolochía, l'Antropolochía y a Psicolochía. As ditas ciencias puras a sobén dan por suposau lo concepto de realidat, ya que lo suyo obchectivo ye estudiar-la y no cuestionar-ne a esencia, encara que as corrients mas abanzadas, como la teoría cuantica, parten chustament d'o cuestionamiento d'iste concepto ta principiar-ne l'analís.

Vinclos externos

• Se veigan as imáchens de Commons sobre la realidat.

• Datos: Q9510
• Multimedia: Reality / Q9510