Río Savinja
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Savinja Sáu̯ńe | |
|---|---|
 Río Savinja | |
Administración
| |
| Estaus |  Eslovenia
|
| Territorios | |
Cheografía
| |
| Longaria | 101,75 km |
| Altaria d'o naixedero | m |
| Naixedero | Alpes de Kamnik y d'a Savinja (Eslovenia)
|
| Desembocadura | Río Sava |
Hidrolochía
| |
| Superficie d'a cuenca | 1.847,7 km² |
| Cabal meyano | m³/s |
Mapa
| |
  | |
A Savinja (localment Sáu̯ńe, en alemán Sann) ye un río d'o nord-este d'Eslovenia que fluye a traviés de toda l'Alta y Baixa Val d'a Savinja (en esloveno Zgornja en Spodnja Savinjska dolina) y a traviés d'as ciudaz de Celje y Laško. A Savinja ye o prencipal río d'os Alpes de Savinja (en esloveno Savinjske Alpe). Desemboca en o río Sava en a ciudat de Zidani Most. S'ha desbordau a sobén, como en os anyos 1960, en 1990 y en 1995. A Savinja tiene una largaria de 101,75 kilometros y una compleganza de 1.847,7 km².
Fuents
[editar | modificar o codigo]O rianchón naixe d'o salto d'augua de Rinka, que fluye por un cauz regulau dica o estremo inferior d'a val de Logar, a on desemboca en o rigachuelo Jezera, dende a on se torna en o río Savinja. Iste manantial ha estau declarau patrimonio natural, y o salto d'augua de Rinka ye un d'os más polius y conoixius d'Eslovenia. Ye o más alto d'os 20 saltos d'augua d'a Val de Logar y ye vesitau mientres tot l'anyo. D'hibierno ye popular entre os escaladors de chelo. A millor vista d'o salto d'augua ye dende a siella de Kamnik (en esloveno Kamniško sedlo).
Afluyents
[editar | modificar o codigo]Os prencipales afluyents d'a Savinja son Jušef y Klobaša en Solčava, Lučnica en Luče, Ljubnica en Ljubno, Dreta en Nazarje, Paka en Šmartno ob Paki, y Ložnica y Voglajna con Hudinja en Celje.
Hidronimo y etimolochía
[editar | modificar o codigo]O nombre Savinja (documentau en fuents escritas en 980 como Sovuina) deriva de *Savьn′a, a la vegada derivau d'o hidronimo Sava, d'o que ye afluyent. O nombre alemán Sann ye rechistrau más tardi. En o dialecto local, o río se conoixe como Sáu̯ńe. A forma *Savьn′a habría d'haber derivau en Savnja como nombre esloveno actual, pero fue reformau seguindo o modelo de Hudinja. Se creye que, probablement, o nombre no siga d'orichen eslau, sino d'orichen preeslau más antigo.[1]
O nombre alemán Sann también s'emplegó en bellas fuents anglesas más antigas; por eixemplo, en a novena edición d'a Encyclopædia Britannica de 1911.
A vida a o largo d'o río
[editar | modificar o codigo]Os navaters de Ljubno recorrioron o río dica a decada de 1950. En a suya memoria, una escultura de bronce d'un navatero (Splavar), creyada en 1961 por Boris Kalin, se troba en o canto ezquierdo d'o río en Celje.
Referencias
[editar | modificar o codigo]- ↑ (sl) Snoj, Marko. 2009. Etimološki slovar slovenskih zemljepisnih imen. Ljubljana: Modrijan and Založba ZRC, p. 368.
Vinclos externos
[editar | modificar o codigo]- (sl) Estau d'a Savinja en cuantos puestos (procedendo d'a suya corriente superior a la suya corrient inferior):
- Nazarje - graficos, en o siguient orden, d'os datos de livel d'augua y cabal d'os zaguers 30 días (presos en Nazarje por ARSO)
- Letuš - graficos, en o siguient orden, d'os datos de livel d'augua y cabal d'os zaguers 30 días (presos en Letuš por ARSO)
- Medlog - graficos, en o siguient orden, d'os datos de livel d'augua y cabal d'os zaguers 30 días (presos en Medlog por ARSO)
- Laško - graficos, en o siguient orden, d'os datos de livel d'augua y cabal d'os zaguers 30 días (presos en Laško por ARSO)
- Veliko Širje - graficos, en o siguient orden, d'os datos de livel d'augua y cabal d'os zaguers 30 días (presos en Veliko Širje por ARSO)
