Cuadra

De Biquipedia
(Reendrezau dende Quadra)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Interior d'una cuadra en una casa deshabitada, en L'Atiart (A Fueva).

Una cuadra (d'o latín <QUADRA) ye una cambra u un edificación especialment construida ta cerrar-ie o bestiar, ya siga de forma temporal u de perén. As cuadras pueden fer parte d'un edificio, estando de regular una d'as cambras inferiors (con frecuencia a o nivel d'a carrera) y deseparadas d'as estancias en as que i fan vida as personas, u tamién pueden estar un edificio exento, deseparau fisicament d'a vivienda, como una borda.

En l'Alto Aragón existen cuadras d'ixas dos maneras. En as casas que per as suyas dimensions el permiten se soleba disenyar una cuadra en a planta baixa, a nivel d'a carrera con acceso a traviés d'o patio u con bella puerta propia en es menos casos. As cuadras exentas existen a sobén en as casas que per mida se troban privadas ta poder-las concaber en l'edificio de vivienda. Tampoco ye cosa guaire extranya de trobar-se bordas con dos plantas, en as que a planta baixa ye una cuadra y o suler (u planta superior) fa de paller u de falsa.

As cuadras en as que se i cerraban os mamiferos grans, como vacas u abríos, tienen o costumbre de concaber estructuras que permetesen disposar-ie a os animals de forma que ocupasen lo menos espacio que se podese, como p. ex. un pesebre u rastillera fixa en a que se podese ligar-los y dar-les hierba, con presencia en bels casos d'uns foraus en a paret, ditos «saliners» u «salinars», en os que se meteba una piedra de sal cristalizada («piedra salinera») ta que la i podesen laminar. Isto ye caracteristico, mas que mas, d'as cuadras en as que se i guardaba vacumen, pus d'alcuerdo con o costumbre d'antigos, as vacas podeban perder productividat si pasaban frido (diz que se les «curtaba a leche») y ta privar que ixo les pasás se soleban guardar cerradas tot l'hibierno, motivo per el que se les i heba de proporcionar tot el que amenistasen en estando alí.

Ta solventar os problemas de lempideza, as cuadras se pavimentaban con lastras de penya cuan o suelo de debaixo yera de tierra. Isto yera important ta sacar o fiemo dimpués, pus iste se gosaba rascar con espalas ta cargar-lo en simples carretillos. Cualques casas, as millor disenyadas, incluiban tamién una canal de desaugüe ta o fiemo, facilitando muito a fayena de limpiar, perque se podeba ayudar muito arrullando-le tarrazos d'augua con un simple pozal.

Imáchens[editar | modificar o codigo]