Pozal escorredor

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Fregona y pozal escorredor

O pozal escorredor ye un pozal cilindrico metalico que tien un artiluchio escurredor formau por uns rodiellos de fusta, un fixau en a parte superior d'o pozal, y l'atro móbil que s'acciona con un pedal. A fregona s'escorre fendo-la pasar entre os dos rodiellos.

Un modelo adaptable a un pozal fue patentau en os Estaus Unius, en 1886 y un atro mas sofisticau integrau en o propio cubo en 1897 por parti d'os chirmans Best[1][2]. En l'anyo 1956 o inventor aragonés Manuel Jalón fa una adaptación d'o pozal escorredor.

Historia[editar | modificar o codigo]

Pozal escorredor d'os chirmans Best de 1897

Manuel Jalón Corominas, dimpués de treballar 12 anyos en os Estaus Unius en o mantenimiento d'avions de reacción, en tornar ta Espanya querió implantar a tecnolochía que heba visto en America, importando asinas a Espanya a fregona y o pozal escorredor.[2] Fabricó as primeras unidaz inspiradas en o modelo americano (con pozal metalico y rodiellos de fusta)[2] que dimpués modificó con o cono ta rechirar-ie os filos de cotón.[3] Posteriorment, en 1964, desenvolicó un modelo que fue rechistrau como "patent d'invención con novedat internacional".[4][5]

En primeras se fació una primera serie de doscientas unidaz que se fabricaban artesanalment con una producción diaria d'una u dos unidaz, en un chicot taller de Zaragoza. Os diferents materials veniban de Barcelona (pozals metalicos), Manresa (proceso de galvanización), Navarra (mangos y rodiellos de fusta) y Bilbao (material metalico).

Chunto con o pozal escorredor, Manel Jalón adaptó tamién un disenyo de T. W. Stewart (1893),[6] y comercializó a fregona, formada por un mango cilindrico de fusta maciza, pulida y barnizada, y una bayeta de fibras de cotón. O trenzau d'as fibras yera l'adecuau ta absorber bien l'augua y ta que no se desfilase ascape en fregar y escorrer. A unión entre o mango y a bayeta se feba con una gran pinza metalica que permitiba a utilización de recambeos, iste sistema yera identico a o patentau por Thomas W. Stewart en a US.Pat.# 499,402 d'o 13 de chunio de 1893 como un "nuevo tipo de fixación ta mopas"[6]

Cuan os dos disenyso se prencipioron a comercializar en 1956, o primer gran problema que apareixió estió convencer a os consumidors d'a suya utilidat, y por ixo se feban demostracions constantment en as ferias de muestras y os escaparates d'os comercios, asinas como revolucionarias estratechias de marketing que fació que estasen líders de vendas en Espanya dende l'anyo 1958 dica 1964. A dura competencia d'o modelo Mery d'o industrial Joan Gunfaus obligó a continar a investigación enta modelos mas economicos y eficaces, de traza se deixoron de producir en l'anyo 1967.

Referencias[editar | modificar o codigo]