Fregona
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A fregona ye una ferramienta que se fa servir pa fer a fregueta. Por un regular se tracta d'un palo en l'extremo d'o qualo i hai unas flocas textils absorbents. A fregona gosar ir asociada a un pozal escorredor. Pa torcar o solero, dimpués d'humedeixer-la y d'escorrer-la, a fregona, aduyando-se d'o palo, se refreca contra a superficie que se quiere limpiar. Ye a forma moderna d'o fregallo que s'emplegaba, con u sin una escoba, pa fregar y limpiar o terreno u as recholas d'o solero.
A fregona, entendida como «un tot composau d'una ruscadera de material plastico, con un escorredor d'o mesmo material que s'acofla a o pozal y un palo de fregar, a l'extremo d'o qualo i hai un fregallo textil, con que se frega o terreno», fue fabricada[1][2][3] en Espanya por l'aragonés Manuel Jalón Corominas,[4][5] y se fue perfeccionando dica adquirir l'aspecto actual. Tamién existe a mopa seca, disenyada pa recullir polvo, que gosa tener o cabezal más amplo y os filos más curtos que os d'as fregonas humidas.
Se veiga tamién[editar | modificar o codigo]
Referencias[editar | modificar o codigo]
- ↑ (en) Patente US499402 13 de chunio de 1893
- ↑ Veiga-se-ne por eixemplo as patents norteamericanas:US 1.947.312 de 1930,US 2.171.387, de 1937 o US 2.567.708, de 1948.
- ↑ WWII mop bucket
- ↑ (es) Sentencia sobre l'autoria d'a invención (en Espanya) d'a fregona, cf. Fundamento Churidico SEGUNDO, pachina 4
- ↑ (es) Conflicto de la fregona: una sentencia ratifica que la inventó Manuel Jalón. Libertad Digital. 15 d'abril de 2009. La Audiencia concluye que sin negar que Bellvis fuera el autor de una invención en el sector de los "fregasuelos", quien inventó "el artefacto conocido como fregona" fue Jalón
Vinclos externos[editar | modificar o codigo]
Se veigan as imáchens de Commons sobre Fregona.- (es) Notícia sobre a sentencia que reconeixe a Jalón
- (es) Sentencias completas
- (es) Reportache d'El Mundo
- (es) Más sobre Jalón
- (es) Noticia sobre a sentencia
