Pitbull (cantaire)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pitbull
Pitbull
Pitbull
Información personal
Nombre Armando Christian Pérez
Embotada Pitbull
Naixió 15 de chinero de 1981
Miami, Florida
Murió
Información musical
Orichen Cubano
Estilo Dance-pop, Electro Hop, Hip House, Reggaeton
Ocupancia {{{Ocupancia}}}
Instrumentos Cantaire
Tiempo 2003–present
Discograficas Mr. 305 Inc
Relacionau con Lil Jon, Nayer, Jennifer Lopez, Enrique Iglesias
Pachina web

Armando Christian Pérez (naixito de Miami, Florida, o 15 de chinero de 1981), mas conoixito con a embotada de Pitbull, ye un cantaire y productor estausunidense d'orichen cubano. A suya primera aparición estió en 2002, colaborando en l'álbum Kings of Crunk de Lil Jon, dos anyos dimpués quitaría o suyo primer disco con a discografica TVT Records, que levaba por títol M.I.A.M.I. (siglas de Money Is a Major Issue). Dende alavez, quitó atros dos álbums con ixa mesma discografica, El Mariel en 2006 y The Boatlift en 2007.[1] En l'anyo 2009 amaneixe Rebelution, que incluye os singles "I Know You Want Me (Calle Ocho)" y "Krazy". Iste zaguero arribó a o numero 30 d'a lista Hot 100 y a o numero 11 en a lista Hot Rap Tracks mientres que "I Know You Want Me" puyó enta o numero 2 de Hot 100 y enta o mas alto d'as listas d'exitos en o Reino Uniu, Canada, Italia, y os Países Baixos. Seguntes a revista Billboard, a canción yera numero 1 en Francia y en a lista europea de Hot 100 en o cabo de semana d'o 29 d'agosto de 2009. Dimpués d'istos exitos, Pitbul sinya un contracto con a discografica de hip hop y R&B Polo Grounds Music a traviés de Sony Music ta creyar a suya propia firma, Mr. 305 Inc. Atros singles de l'álbum Rebelution incluyen "Blanco" con a colaboración de Pharrell Williams y The Neptunes y "Hotel Room Service", que sería numero 8 de Hot 100. O conchunto d'as vendas de l'álbum Rebelution y os suyos singles estió de mas de 7.5 millons en tot o mundo.[2]

D'atra man Pérez ye presentador d'o programa en castellano La Esquina en a canal de televisión por cable Mun2.[3]

En 2005 Pérez y o rapero Sean 'Diddy' Combs fundoron Bad Boy Latino, una subsidiaria d'a companyía discografica de Combs, Bad Boy Records. Ista discografica se centra mas que mas en rap latino, soul latino y musica tropical, y tien a suyas seus en Miami y Nueva York.[4][5] Amás d'estar o fundador, Pérez ye tamién qui diriche en l'actualidat a sección d'A&R d'a discografica.[6][7]

Atra d'as facetas de Pérez ye a de productor, representando entre atros a Drake, Rihanna, u Trey Songz[8] y fendo parti d'a campanya publicitaria “Vida 23” d'a marca de bebidas Dr Pepper a traviés d'una canción en o suyo álbum Armando.[9]

Discografía[editar | modificar o codigo]

Referencias[editar | modificar o codigo]

Vinclos externos[editar | modificar o codigo]