Pif le chien
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pif le chien | |
|---|---|
Información personal
| |
| Especie: | Can |
Personache de cómic
| |
| Debuixant: | José Cabrero Arnal |
| Anyo: | 1948 |
Pif le chien (en aragonés Pif o can) ye un personache de cómic creyau en 1948 per o debuixant aragonés asentau en Francia José Cabrero Arnal.
Pif le chien amaneixió publicau per primera vegada lo 26 de marzo de 1948 en a revista L'Humanité, perteneixient a lo Partiu Comunista Francés. Pif serviba como desincusa pa denunciar as inchusticias d'a epoca. En 1952 Pif pasó a publicar-se en a revista Vaillant an as suyas aventuras son historias comicas endrezadas a la choventut y sin garra conteniu politico. Tal estió lo suyo exito que la revista cambió lo suyo nombre enta Vaillant le journal de Pif en 1965 y en zagueras enta Pif Gadget en 1969. En istes anyadas un malauto José Cabrero rebló la serie a Roger Mas, quí expandió lo suyo universo y creyó a lo tamién popular personache de Pifou lo fillo de Pif. Atros debuixants encargaus d'a serie han estau: Louis Cance, Carmen Levi, Yannick Hodbert, François Dimberton, Michel Motti, François Corteggiani, Giorgio Cavazzano, Bernard Ciccolini y Olivier Fiquet.
Atros personaches de l'universo Pif
[editar | modificar o codigo]- A familia con a cual vive Pif: Tonton, a suya esposa Tata y lo nino Doudou.
- Hercule, lo suyo amigo mixíno.
- Pifou, que ye lo fillo de Pif, creyau por Roger Mas.
- Brutos.
- Krapulax, o enemigo de Pif. Chunto a él son o suyo aduyant Gnom, o profesor Mochepoire y los clamaus Krapumecs.
- Cicéron.
- L'achent Farfouille, un achent de policía.
- Grochoux, un hombre de negocios.
- O profesor Belpomme.
- O profesor Grostalent.
- O comisario Maigrelet.
- O doctor Kifelkloun.
- Paméla, una choven acrobata.
Adaptacions
[editar | modificar o codigo]A serie de cómics ha estau obchecto d'una serie de televisión d'animación clamada Pif et Hercule (1989) y d'un largometrache Les nouvelles aventures de Pif et Hercule, (1993).
Filmografía
[editar | modificar o codigo]- Pif et Hercule, serie de debuixos animaus de 1989 y 1990.
