Phil Lynott

De Biquipedia
Ir a la navegación Ir a la búsqueda
Phil Lynott
Estatua de Phil Lynott en Dublín
Estatua de Phil Lynott en Dublín
Información personal
Nombre Philip Parris Lynott
Embotada Philo
Naixió 20 d'agosto de 1949;
West Bronwich, Flag of England.svg Anglaterra
Murió 4 de chinero de 1986;
Salisbury, Flag of England.svg Anglaterra
Información musical
Orichen
Estilo Hard Rock, Heavy Metal
Ocupancia {{{Ocupanzia}}}
Instrumentos Voz, baixo y guitarra
Tiempo 1969 - 1983
Discograficas {{{Discografica}}}
Relacionato con {{{Artistas_relacionatos}}}
Pachina web

Philip Parris Lynott (20 d'agosto de 1949 - 4 de chinero de 1986) estió un cantaire, instrumentista y compositor irlandés, conoixiu por estar o líder d'o grupo Thin Lizzy.

Biografía[editar | editar código]

Lynott naixió de West Bromwich, Anglaterra, fillo de un brasilenyo y d'una irlandesa, Philomena Lynott, apellito de qui esliyó lo cantaire, en cuentas de l'apellito paterno. O suyo pai albandonó a la suya mai nomás tres semanas dimpués de que Phil naixiese, tornando-se-ne a lo suyo país natal. Phil no conoixió a lo suyo pai dica fins d'os 70. Lynott pasó parti d'os suyos primers anyos en Moss Side, Manchester, y dimpués se'n fué a vivir con a suya lola ta Crumlin, Dublín, Irlanda.

Thin Lizzy[editar | editar código]

A meyatos d'a decada de 1970, Lynott prencipió a cantar en a suya primera colla de musica, The Black Eagles. Estió por ixas envueltas quan conoixió a Brian Downey. Formó lo grupo de rock Thin Lizzy arredol de 1969 en Dublín, estando lo suyo cantaire principal, compositor y baixista. Lynott, que yera mulato, s'ispiró en Jimi Hendrix y encluso l'emitó una mica en o suyo aspecto fisico. O suyo primer top 10 plegó en 1973 con "Whiskey In The Jar", versión d'una canta tradicional irlandesa.

En 1978, colaboró en a versión musical de Jeff Wayne de A Guerra d'os Mundos, cantando y actuando. En 1979, con o nombre de The Greedies, gravó una canta de navidat, "A Merry Jingle", chunto con atros miembros de Thin Lizzy y chunto con Steve Jones y Paul Cook, d'os Sex Pistols.

Carrera en solitario[editar | editar código]

Encara que Thin Lizzy obtenió prous exitos, en 1980 Phil Lynott decidió de prencipiar a suya carrera en solitario, gravando lo disco Solo in Soho, que gosó estar o Top 30 en as listas de vendas d'o Reino Unido, tenendo especial exito ixe anyo dos cantas, Dear Miss Lonelyhearts y King's Call. Ista zaguera yera un tributo a Elvis Presley, colaborando Mark Knopfler en a guitarra. O suyo segundo disco en solitario estió un fracaso, encara que a suya canta "Old Town" tenió exito bells anyos dimpués quan la cantoron The Corrs. A canta Yellow Pearl, que composó chunto con Midge Ure, plegó ta o Top 20.

En 1980 se casó con Caroline Crowther, con la que tenió dos fillas, Sarah y Cathleen.

En 1983, Thin Lizzy desapareixió como grupo, y dimpués Lynott gravó We Are The Boys (Who Make All The Noise) con Roy Wood, Chas Hodges y John Coghlan, y colaboró con un viello amigo d'el, o guitarrista Gary Moore en a canta "Out in the Fields" (numero 5 en o Reino Unito en 1985, a suya canta con más exito en as listas). O suyo zaguer single, "Nineteen", que amaneixió pocas semanas antis d'a suya muerte, fue producito por Paul Hardcastle.

Os suyos zaguers días los pasó entre drogas y alcohol, y a nueit d'o 25 d'aviento de 1985, lo'n leboron ta o hespital dimpués d'una sobredosi d'heroína. Morió por fallo d'o corazón y pneumonía o 4 de chinero de 1986, con a edat de 36 anyos.

Discografía[editar | editar código]

Thin Lizzy[editar | editar código]

  • Thin Lizzy (1971)
  • Shades of a Blue Orphanage (1972)
  • Vagabonds of the Western World (1973)
  • Nightlife (1974)
  • Fighting (1975)
  • Jailbreak (1976)
  • Johnny the Fox (1976)
  • Bad Reputation (1977)
  • Live and Dangerous (1978)
  • Black Rose: A Rock Legend (1979)
  • Chinatown (1980)
  • Renegade (1981)
  • Thunder and Lightning (1983)
  • Life (1983)

En solitario[editar | editar código]

  • Solo in Soho (1980)
  • The Philip Lynott Album (1982)