Pescatería

Una pescatería^[1]^[2] ye un comercio que s'adedica a vender peix y marisco. Por un regular no se i gosan vender as granotas, os reptils, os caragols y atros animals. Se podrían trobar manimenos en belún d'istos comercios, encara que de manera chenerica, a pescatería ye o nombre que designa o puesto de venda d'as especies marinas a excepción d'os mamiferos marins. A persona que treballa en una pescatería se diz pescatero u pescatera.

O patrón d'os pescataires y pescaters ye l'Apostol Pero, a suya fiesta se celebra o 29 de chunio.^[3] D'a mesma manera, en bels puestos, o 30 de noviembre se celebra a fiesta d'Andreu apostol, como patrocinador d'os pescataires y pescaters.^[4]

Historia

En Alemanya a preba mas antiga conoixida d'a existencia de pescataires y pescaters organizaus, ye o gremio de pescaters d'a ciudat de Worms que data de l'anyo 1106. Ta par d'alavez, se presentó a o consello d'a ciudat con 23 comerciants de peix que se constituyioron en gremio pa a venda exclusiva de peix y productos d'a mar. En o sieglo XV apareixió a dinastía Loitz (orichinaria de Greifswald y conoixida como os "Fugger d'o norte").^[5] Os Loitz furnioron a un poderoso imperio comercial de venda de peix (y tamién de sal, necesaria pa conservar-lo), con base en a ciudat de Szczecin. Hue en dia a "casa Loitz" de Szczecin ye a escuela d'artes d'a ciudat.