Pelagos
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O pelagos (d'o griego <πέλαγος, pélagos, «mar ubierto») u zona pelachica ye, en os biomas aquaticos, a zona d'augua que no tiene contacto con o fondo. Se contraposa en totz os casos con o bentos u zona bentonica, que ye a zona d'augua estretament en contacto con o fondo.
En oceanografía, a zona pelachica tamién puet estar un termin contraposau con o de zona demersal (amanada a la costa). En iste caso, a zona bentonica u bentos se considera parte d'a zona demersal.
Vida en a zona pelachica[editar | modificar o codigo]
Os organismos que viven en a zona pelachica han d'estar adaptaus a nadar y tener control sobre a suya flotabilidat en l'augua. Por a manca de substrato en o qual adhibir-se, a mayoría d'os sers vivos que i viven son flotadors u nadadors, móvils, y no en i ha sésils.
Os organismos fotosinteticos tienen una fototaxia muit marcada que les fa salir d'a zona afotica pa aprofeitar a luz en as horas diurnas, mientres que atros sers vivos protagonizan migracions contrarias pa mirar-se l'alimento, que se diz migracions nictamerals. En totz es dos casos, a movilidat más clara ye a que tienen t'alto y t'abaixo en a columna d'augua.
Muitos peixes son habitants destacaus d'a zona pelachica en a mar. Tamién i ha cnidarios, cefalopodos como os calamars y muitos tipos d'invertebraus menors.