Pasaia

Pasaia
Municipio d'o País Basco
Entidat  • Estau  • Comunidat  • Provincia  • Comarca	Municipio  Espanya  País Basco Guipuzcua Donostialdea
Superficie	11,34 km²
Población  • Total	15 867 hab. (2013)
Altaria  • Meyana	- m.
Distancia  • 11 km	enta Sant Sabastián
Alcalde	Amaia Agirregabiria
Codigo postal	20110
Coordenadas
Pasaia Pasaia en País Basco
Web oficial

Pasaia (Pasajes en castellán) ye un municipio basco, en a comarca de Donostialdea y provincia de Guipuzcua.

A suya población ye de 16.091 habitants (2007), en una superficie de 11,34 km² y una densidat de población de 1.418,96 hab/km².

Cheografía

Pasaia ye situato a 11 km de distancia de Sant Sabastián, a capital d'as suyas provincia y comarca.

Son quatre vicos que bi ha arredol d'a Ría del Pasaje u Ría de Pasajes.

Historia

As localidatz historicas de Pasajes son as aldeyas de pescataires de Donibane y San Pedro, situatas a los dos costatos d'a boca d'a Ría de Pasajes.

Por muitos sieglos ixa ría la s'han disputata as localidatz d'a suya ribera, que quereban controlar-la. Perteneixeba a lo conchunto d'a Val d'Oyarso (Orereta, Elizalde, Alcibar y Iturrioz), en lo que huei son os municipios de La Rentería y Oyarzun. en 1180 concedioron a la villa de Sant Sabastián churisdicción sobre a ría. En 1203, quan Alifonso VIII de Castiella creya la villa de Fontarrabia, la Ría del Pasaje se desvién como muga entre as dos churisdiccions. La marguin oriental queda en mans de Fontarrabia, incluindo as aldeyas de Donibane y Lezo, y marguin occidental sigue perteneixendo a Sant Sabastián, incluindo a San Pedro. Dimpués la situación encara se complica més quan La Rentería esdevién villa en 1320.

Toponimia

Pasaia en Guipuzcua

Orichinalment o nombre d'a Ría de Pasajes yera Ría d'Oyarso, antigo nombre d'a val d'o río que i desemboca. O nombre pasaje amaneix a fins d'o sieglo XV pa referir-se a la ría, y se feba servir en singular, como ye en encara en basco, Pasaia. S'encomienza a emplegar en plural dende o sieglo XIX, quan se creya o municipio con os vicos de Donibane (u San Juan) y San Pedro. Os nombres d'ixas antigas localidatz pescatairas derivan d'o santo a qui advocaban lurs ilesias parroquials.

O toponimo pasaje ye occitán y bells autors lo interpretan como debito a la presencia de comunidatz d'orichen gascón en Guipuzcua, comunidatz que mantenioron o emplego d'o suyo dialecto occitán bells sieglos. O exotoponimo navarro-aragonés pasache ha puesto existir en boca de chent navarra, pero no ye seguro, porque quan amaneixió o toponimo ye quan remataba a castellanización d'a luenga romanz escrita en Navarra y Aragón.

Administración

Alcaldes

Lista d'alcaldes

Lechislatura	Nombre	Partito politico
1979–1983	Eduardo Aseguinolaza	Herri Batasuna
1983–1987	Roberto López de Echezarreta Murguiondo	Partito Nazionalista Basco
1987–1991	Joseba Xabier Portugal Arteaga	Herri Batasuna
1991–1995	Joseba Xabier Portugal Arteaga	Herri Batasuna
1995–1999	Bixen Itxaso González	Partido Socialista de Euskadi - Euskadiko Ezkerra
1999–2003	Juan Carlos Alduntzin Juanena	Euskal Herritarrok
2003–2007	Izaskun Gómez Cermeño	Partido Socialista de Euskadi - Euskadiko Ezkerra
2007–2011	Maider Ziganda Población	Eusko Abertzale Ekintza-Acción Nacionalista Basca