Panarabismo
O panarabismo ye una ideyolochía nacionalista que afirma que os arabes son una nación que reclama a unión d'os arabes en un solo estato laico.
O creyador d'o panarabismo estió un cristián melkita, feito important que amostraba que no ye lo mesmo estar arabe que estar musulmán. En l'orichen d'o panarabismo tenemos o modelo d'atros nacionalismos "integradors" u "unificadors" como o panturquismo, o paneslavismo u panchermanismo, que a vegatas son formas encubiertas d'expansionismo.
O Partito Baaz, panarabista prenió o control de países como Siria u Iraq, pero on han preso o control amuestran una contradición important con a ideyolochía base: o partito Baaz se refirma en grupos tribals u relichiosos concretos u minoritarios u recluta a los altos cargos d'o estato en ixas comunidatz pa dominar a lo resto d'a población d'ixos estatos. En o caso de Siria os alawís (una secta xiita) son os que controlan o país a traviés d'o Partito Baaz.