Paixtuns
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Paixtuns پښتانه | ||||||
|---|---|---|---|---|---|---|
 | ||||||
Paixtuns | ||||||
Rechions con comunidaz importants | ||||||
| ||||||
Idiomas | ||||||
| Paixtún | ||||||
Relichión | ||||||
| Musulmana sunní | ||||||
Mapa | ||||||
 Arias habitadas por os pashtuns en verde | ||||||
Os paixtuns[1] (en paixtún پښتانه) son un pueblo orichinariament habitador d'a zona entre o Kindu Kush y o Indo, en o sud y este d'Afganistán y norte y ueste de Pakistán. A suya población ye dificil de censar, pero se calcula que son uns 12 millons en Afganistán (on representan o pueblo dominant), y 30 millons en Pakistán. Charran una luenga iranicana y son musulmans.
Reparto cheografico
[editar | modificar o codigo]Os paixtuns d'Afganistán habitan o territorio que bi ha dende o norte de Jalabalad enta Qandahar y enta l'ueste dica Sabzawar, y tamién en enclaus en l'ueste y norte.
Os paixtuns de Pakistán habitan zonas dende Dir y Swat enta o sud, y en enclaus en o Beluchistán y Punchab.
Bi ha tamién uns pocos paixtuns en l'este d'Irán (50.000), en o Xinjiang y en as republicas centroasiaticas d'a ex URSS. (se calculaba que podrían estar uns 9.000 individuos. Tamién bi ha chicotas comunidatz de paixtuns en países d'o Golfo Persico.
Organización social
[editar | modificar o codigo]Bi ha muitas tribus paixtunas, y a principios d'a decada de 1980 bi heba en Afganistán 36 tribus. Adintro d'una tribu bi ha un jirga u consello de chefes de clan que tracta os afers importants y un kan hereditario con poder restrinchiu. Totas as subdivisions tribals, como l'aldeya u un simple campamento tien una jirga, y tractan a redistribucioń consuetudinaria d'a tierra cada cierto tiempo. As tribus pueden incluyir hamsaya u clientelas, como miembro de plen dreito.
As principals confederacions tribals son Durrani, Ghilzai y Karlani. Adintro d'os Durrani en Afganistán son os Popolzai, Alikozai, Barakzai, Alizai, que son sedentarios, os Nurzai, que son nomadas, y os Ishaqzai, que son seminomadas. Adintro d'os Ghilzai son os Toki, que son sedentarios, os Taraki, que son seminomadas, y os Povinda, nomadas entre Afganistán y Pakistán. Adintro d'os Karlani se troban os Mangal, Jadran y Jani, que son seminomadas y os Vardak, que son sedentarios.
Bi ha tribus no confederadas seminomadas como os Mohmaud, Safi y Kakar. En Pakistán se troban as tribus Afridi, Yusufzai, Vazir, Khattak, Bangash, Turi y Orakzai.
Historia
[editar | modificar o codigo]O primer estau independient paixtuns fue creyau por Ahmad Shah Durrani en o sieglo XVIII, fundador d'a dinastía Sadoqzay. Mientres tot o sieglo XIX os britanicos preboron de sozmeter a los paixtuns pa controlar l'actual Afganistán. En 1893 se creyó a muga entre l'Afganistán independient y A India, quedando os paixtuns principalment dividitos entre dos estaus.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
Bibliografía
[editar | modificar o codigo]- (es) Amiram Gonem. Diccionario de los pueblos del mundo. Editorial Anaya, 1996.
