Orden de Sant Chaime
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Orden de Sant Chaime Orden de Santiago | |
|---|---|
 Sant Chaime | |
| Información cheneral | |
| Activa | Sieglo XII - actualidat |
| País |  Castiella
|
| Tipo | Orden relichiosa y militar |
| Insignias | |
| Simbolo d'identificación |
|
La Orden de Sant Chaime (conoixita a vegatas como Orden de Sant Yago u Orden de Santiago por estar orichinaria de Castiella) ye una orden militar medieval naixita en la Peninsula Iberica en lo contexto de la Reconquiesta. Amanixió en l'anyo 1170 dimpués de la reconquiesta de Cáceres, quan Ferrando II de Leyón fundó la cofrairía de los flaires de Cáceres. Con lo tiempo la Orden de Cáceres prenió tamién lo paper de protectora de los pelegrins que iban a visitar lo sepulcre de Sant Chaime en Compostela. En l'anyo 1175 lo papa Aleixandre III confirmó la orden.
La suya primera presencia en Aragón ye en 1212, quan lo mayestre Fernando González aduyó a Pero II d'Aragón a prener Mont Albán. Lo rei donó la villa a lo mayestre, que fundó una comanda de la Orden, que esdeveniría la casa matriz de los suyos establimientos en la Corona d'Aragón. Lo convento de la villa de Mont Albán yera chusmeso a lo principio a lo prior d'Uclés, qui yera los receptor de las rendas de los diferents centros santiaguistas.
La Orden teneba dos categorías de miembros, clerigos y laicos, estando la unica milicia relichiosa de la Edat Meya que almeteba chent casata en las suyas filas. Aduyoron a la reconquiesta de lo reino de Valencia. Lo comandador de Mont Albán condució a lo campo de batalla a los caballers de Santiago y tamién a los habitadors de la villa.
A mitat de lo sieglo XIII los dominios de la orden se facioron grans, por donacions u compra, estabilizando-se lo suyo patrimonio a finals d'este sieglo.
Veyer tamién[editar | modificar o codigo]
Bibliografía[editar | modificar o codigo]
- Ana Mateo Palacios Las órdenes militares en Aragón CAI100, 1999.