O Cura y a Casera (barranco d'Arás)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Cura y a Casera,[1] que tamién se conoixen como Os Torretones d'Arás,[2] yeran dos formacions cheolochicas de tipo dame coiffée que se trobaba en o barranco d'Arás, termino municipal de Biescas (Alto Galligo, Uesca). Mientres que O Cura sigue en piet, A Casera s'espaldó en 2005 y no en queda si que a base.[1]
Se troban en un ripazo en a marguin dreita d'o barranco, vistables dende un camín tradicional que puyaba ta Yosa de Sobremont pero enfaixonatos en un puesto de difícil acceso. Cada una d'as dos torres yera rematada por una piedra grandiza que impediba la erosión d'os materials mas tovos de debaixo. Una tercera dame coiffée muito mas chicota ye dezaga d'as dos primeras, por o cual se l'ha clamau O Monaguillo.[2]
Os nombres populars d'estas formacions en aragonés chuegan con suya a forma falica, en especial a d'O Cura, que mirato pende dende do puede recordar a un miembro humano. A Casera yera mas fina y una micarrona mas baixa. En castellano, a formación ha recibiu diferents nombres en as guías y entre os excursionistas. O mas conoixiu puet estar que sía Las Señoritas de Arás.[3][4]
Referencias[editar | modificar o codigo]
- ↑ 1,0 1,1 (es) SATUÉ OLIVÁN, Enrique. El Pirineo Contado. Pag. 44. Ed. PRAMES. Zaragoza, 2014. ISBN 978-84-8321-403-9.
- ↑ 2,0 2,1 VÁZQUEZ OBRADOR, Jesús, Toponimia de Aso, Yosa y Betés (Sobremonte, Alto Gállego); Prensas Universitarias de Zaragoza + Xordica Editorial. Zaragoza, 2008. ISBN 978-84-96457-32-4
- ↑ (es) Las Señoritas de Arás; consultau l'once de chinero de dos mil vente.
- ↑ (es) Las Señoritas de Arás, una maravilla geológica en la Tierra de Biescas, consultato l'once de chinero de dos mil vente.