O Cucaracha

De Biquipedia
Ir a la navegación Ir a la búsqueda
Mariano Gavín "O Cucaracha"
Información personal
Calendata de naixencia 1838
Puesto de naixencia Flag of Aragon.svg Alcubierre (Aragón)
Calendata de muerte 28 de febrero de 1875
Puesto de muerte Flag of Aragon.svg Lanacha (Aragón)
Ocupación Bandoler

Mariano Gavín Suñén, conoixiu per a motada de O Cucaracha, (Alcubierre, 1838 - † Lanacha, 28 de febrero de 1875) estió lo más celebrau d'os bandolers aragoneses. As suyas accions se desvinioron en os Monegros en a segunda metat d'o sieglo XIX.

O Cucaracha yera fillo de Manuel Nicolás Gavín Ariño y d'Ignacia Suñén. Creixió en Alcubierre, en a resecada tierra d'os Monegros, muit pobra en o sieglo XIX. O 26 de marzo de 1861 se casó con Jobita Amador.

Bien poco ye lo que se conoix con certeza d'iste personache. Pa belunos sería estau o Robin Hood aragonés, que furtaba a os ricos pa dar-les-ne a os pobres; pa unos atros, yera nomás un bandolero que, igual como atros bandolers d'ixe tiempo, s'adedicaba a asaltar, furtar, extorsionar y secuestrar. A fama la consiguió en escapar-se á-saber-los anyos d'a Guardia Civil cada vegata que lo encorreban, o que fería que naixiese a expresión "estar más vivo que Cucaracha".

Morió en una emboscada que li heba parau a Guardia Civil amán de Lanacha o 28 de febrero de 1875. Os guardias lo rodión en una paridera y disparón dica rematar con ell y con a suya colla. Amás d'o Cucaracha, i morión o Cerruto, o Ferrero d'Osso, o Molinero de Belver y o Guarnicionero d'Alcoleya (Antonio Lampériz, José Berna, Melchor Colomer y José Solanilla). En a pocha d'o Cucaracha i trobón una carta que demandaba lo indulto a lo rei. O cuerpo fue levau ta Lanacha, a on que permaneixió en exposición pa escarmiento publico.

I hai un cómic con o nombre d'El bandido Cucaracha.

A leyenda[editar | editar código]

I hai unas quantas leyendas arredol d'o personache, en as qualas se ixemplifica la suya aduya a os pobres.

En Puebla d'Alfindén cuentan que o Cucaracha mató una vegata dos mulas viellas y arguelladas de tío Ramulla, y que contino li dio diners pa que se'n comprase unas atras. Más tardi tornó ta comprebar que las heba compradas, enfiló enta o marchant d'as mulas y li furtó os diners que tío Ramulla heba pagau per ellas.

En Castillón de Monegros cuentan que, en preguntar o Cucaracha a un zagalet si levaba diners, iste respondió que su mai no li heba dau so que tres pecetas perque o Cucaracha li'n furtaría si en levaba más. O Cucaracha li dio diners a o zagal y li respondió: "Di-le a la puta de tu mai que Cucaracha no furta a os pobres."

D'a suya muerte tamién se'n diz que un boticario lo enverenó, u bien que secuaces d'a Guardia Civil bella cosa ficón en o vino d'a banda, y que ixo estió lo que permetió que podesen apercazar-lo.

Vinclos externos[editar | editar código]