Nikola Tesla

Nikola Tesla

Información personal
Calendata de naixencia	10 de chulio de 1856
Puesto de naixencia	(Smiljan, Imperio Austriaco, hue Croacia)
Calendata de muerte	7 de chinero de 1943
Puesto de muerte	Nueva York (Nueva York, Estaus Unius)
Ocupación	Fisico, matematico y incheniero

Nikola Tesla (Smiljan, actual Croacia, allora Imperio Austriaco, 10 de chulio de 1856 — Nueva York, Estaus Unius, 7 de chinero de 1943). O suyo nombre orichinal en serbocrovate y escritura cirilica yera Никола Тесла (yera un serb]).

Estió un fisico, matematico, inventor, y incheniero electrico crovate-estausunidense d'orichen serbio que fue considerato un d'os más prolificos inventors d'o suyo tiempo, dimpués d'Edison, conseguindo más de 700 u 800 patents a lo suyo nombre, entre ellas a radio. Cuan morió o Gubierno d'os Estaus Unius requisó os suyos documents entre os que bi heban estudeos, investigacions y descubrimientos. A suya familia aconsiguió a suya urna funeraria con as cenisas d'ell, y bells documents en l'anyo 1957 dimpués de muitos anyos de chuicios. Actualment l'urna y os documents estan en o Museo Nikola Tesla de Belgrado en Serbia.

Biografía[editar | modificar o codigo]

Naixito d'a Croacia austriaca, s'educó en Graz a on que estudeó incheniería electrica. En l'anyo 1881 se tresladó a Budapest ta treballar en una companyía de telegrafos estausunidense, tresladando-se a París a l'anyo siguient ta treballar en una d'as companyías d'Edison dita Continental Edison Company. Dimpués d'a muerte d'a suya mai encomenzó a treballar en a Edison Machine Works d'Estaus Unius, a on que realizó a suya mayor aportación: a teoría d'a corrient alterna en electricidat, pero Edison li robó bells inventos y investigacions a mas de pagar-li un salario prou baixo. Tesla deixó l'interpresa y en 1886 fundó a suya propia interpresa en Estaus Unius a on inventó o motor d'inducción, dimpués conoixió l'interpresario George Westinghouse que li compró os suyos inventos y patents y prencipió a treballar ta ell y a suya interpresa Westinghouse Electric a on desarrolló o sistema polifasico que li permitió portar a electricidat a grans distancias encomenzando así la dita Guerra d'as Corrients la CA (Corrient Alterna) de Tesla contra la CC (Corrient Continua) de Edison.

Rumors d'o Premo Nobel de Fesica[editar | modificar o codigo]

O 6 de noviembre de 1915 l'achencia de noticias Reuters de Londres dició que o Premio Nobel de Fesica de 1915 yera compartito por Nikola Tesla y Thomas Edison. Uns diyas dimpués, o 15 de noviembre l'achencia Reuters d'Estocolmo fació publico que o Premio Nobel de Fesica de 1915 yera ta Sir William Henry Bragg y William Lawrence Bragg por as suyas contrebucions a l'analís d'a estructura cristalina emplegando os rayos X.

L'afer estió un misterio pero os rumors deciban que Edison y Tesla no querioron compartir o premio por a suya enemistat que encomenzó cuan Tesla treballaba ta la empresa de Edison y iste li robó bells inventos y investigacions.