Ir al contenido

Nieus Luzía Dueso Lascorz

De Biquipedia
(Reendrezau dende Nieus Lucía Dueso Lascorz)
Esta fuella ye escrita en chistabín.
Nieus Luzia Dueso Lascorz
Nieus Luzía Dueso en l'acto de nombramiento como Miembro d'Honor de l'Academia de l'Aragonés.
Nieus Luzía Dueso en l'acto de nombramiento como Miembro d'Honor de l'Academia de l'Aragonés.
Información personal
Naixida o: 1930
Naixida de: Plan
Muerta o: 4 de marzo de 2010
Muerta en: Balbastro
Ocupación: Mayestra y escritora

Nieus Lucia Dueso Lascorz u Nieus Luzía Dueso Lascorz como gosaba firmar toz es suyos libros, (Plan, 1930- Balbastro, 4 de marzo de 2010) va estar una escritora en aragonés de la val de Chistau (Sobrarbe). Va baixar a estudiar bachillerato ta Balbastro y dimpués va marchar ta Uesca ta fer Machisterio en la Escuela Normal. Va estar de mayestra toda la suya vida per l'Alto Aragón basta que va pasar a la retreta en 1992. Va estar miembro d'el Consello d'a Fabla Aragonesa dende 1979. En 2007 va estar nombrada academica d'Honor por l'Academia de l'Aragonés.

De la obra poetica de Nieus Luzia Dueso destaca Al canto'l Zinqueta, una colección de poemas chistabins, pero el mas important de las suyas obras ye la replega de leyendas populars de la val de Chistau y la suya recreyación narrativa como Leyendas de l'Alto Aragón, La Fuen de la Siñora, Dios m'en guarde! (traducida enta'l catalán) y la suya zaguera obra Santamaría (traducida enta'l castellano).

En 1982 Nieus Luzía Dueso va ganar un Onso d'oro en el Primer Certamen Literario Val d'Echo'', con la Leyenda del siñó de San Chuan. Tamién va ganar el Premio Flor de Nieve de Plata de Radio Huesca, y va estar finalista en el Premio Altoaragón de la Semana Cultural de Balbastro de 1974 con un relato en chistabín.

Va publicar articlos arrienda en revistas como Argensola, Luenga e Fablas u Fuellas, relacionaus mas que mas con cuentos y leyendas de tradición oral, pero tamién novelas curtas. Es suyos primers textos publicaus en aragonés son de l'anyo 1967.

Va feneixer en Balbastro el 4 de marzo de 2010,[1] vinte días de dimpués de sufrir un accident.[2]

Bibliografía

[editar | modificar o codigo]

Atras Publicacions

[editar | modificar o codigo]
  • Los agotes de Gestavi (bal de Gistau), en Argensola: Revista de Ciencias Sociales del Instituto de Estudios Altoaragoneses, ISSN 0518-4088, num. 106, 1992, pp. 151–172. (con Bizén d'o Río Martínez)
  • El valle de Gistau: vegetación en Argensola: Revista de Ciencias Sociales del Instituto de Estudios Altoaragoneses, ISSN 0518-4088, num. 98, 1984, pp. 347–356.
  • L'autosia (cuento xistavino), en Argensola: Revista de Ciencias Sociales del Instituto de Estudios Altoaragoneses, ISSN 0518-4088, num. 65-70, 1968‑1970, pp. 173–176.
  • La Val de Xistau Economía, en Argensola: Revista de Ciencias Sociales del Instituto de Estudios Altoaragoneses, ISSN 0518-4088, num. 61-64, 1966‑1967, pp. 81–84.
  • Bela cosichona de la Bal de Chistau, en Fuellas d'informazión do Consello d'a Fabla Aragonesa, ISSN 1132-8452, num. 16, marzo-abril 1980, pp. 3–9.
  • El valle de Gistau: Mitos, ritos, tradiciones, supersticiones, en as V Jornadas de cultura altoaragonesa, 1986, pp. 229–250.

Vinclos externos

[editar | modificar o codigo]

Referencias

[editar | modificar o codigo]