Nicotina

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Representación 2D.
Representación 3D.

A nicotina ye un alcaloide present en a familia de plantas d'as solanacias, que constituye alto u baixo lo 0,6-3,0% d'o peso xuto d'o tabaco.[1][2] A biosintesi se produce en as radices, y a nicotina s'acumula en as fuellas. Funciona como substancia antiherbivoros, con una especificidat particular ta os insectos; por tanto, d'antis mas a nicotina fue emplegata amplament como insecticida, y actualment continan tenindo un uso igual productos parellans a la nicotina como a imidacloprida.

A concentracions baixas (un fumarret de meya libera alto u baixo 1 mg de nicotina absorbita), a substancia actua como estimulant en os mamifers y ye un d'os prencipals factors responsables d'as propiedaz creyadoras de dependencia d'o tabaquismo. Seguntes l'American Heart Association, "l'adicción a la nicotina ha estato historicament una d'as adicions mas difícils de superar". As caracteristicas farmacolochicas e etolochicas que determinan l'adición a lo tabaco son parellanas a las que determinan l'adición a drogas como a heroína y a cocaina.[3]

Etimolochía[editar | modificar o codigo]

A nicotina debe o suyo nombre a o chenero de plantas Nicotiana, que s'extrayió por primera vegada de plantas perteneixients a iste chenero. Iste mesmo estió nombrau por Linné en a honor de Jean Nicot, considerau como o primer que ficó o tabaco en Francia (encara que, cuan Jean Nicot naixió en 1530, o tabaco ya se conoixeba en Europa entre bellas cuaranta anyadas).

Referencias[editar | modificar o codigo]