Neurona
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una neurona ye un tipo de celula especializada en transmitir corrients electroquimicas, constituye la mes gran part de lo teixito niervoso y ye la unidat funcional y estructural de lo sistema niervoso central.
La neurona ye formada por un cuerpo celular u "soma" y unas prolongacions. Las prolongacions son de dos tipos: dendritas y axons. Totas as neuronas tienen una u mes dendritas, que son muito ramificadas y ye por a on vienen los senyals de los receptors u d'atras neuronas. Dende lo cuerpo celular u soma de la neurona sale un solo axón, muito luengo en relación a lo soma y con un diametro uniforme; representa una fibra niervosa y ye por a on salen las corrients electroquimicas u impulsos niervosos de lo soma. En los vertebratos y atros animals puet estar cubierto por una vaina aislant.
En los vertebratos las fibras niervosas son agrupadas en faixos que son embolicaus por teixito conchuntivo y constituyen los niervos. Los cuerpos neuronals d'estas fibras son situaus en lo sistema niervoso central u en ganglios, chicotas agrupacions de cuerpos neuronals fuera de lo sistema niervoso.
Potencial de reposo
[editar | modificar o codigo]La neurona presenta un potencial de membrana en reposo por l'acumulación de cargas positivas en a part exterior de la membrana celular y de cargas negativas en la part interior u cara citoplasmatica. La diferencia de potencial ye de bel milivoltios.
Las cargas negativas de lo citoplasma se deben a la presencia de proteínas con carga negativa que no pueden salir de la celula, encara que tamién bi ha muitos cations de potasio con carga positiva. En lo liquido extracelular predominan los cations de sodio, que creyan una carga positiva, encara que tamién bi ha anions cloruro.
La permiabilidat de la membrana pa lo potasio ye muito mes gran que pa lo sodio. La membrana liucherament permiable a lo sodio, y pa evitar la suya entrada bi ha una bomba de sodio-potasio que forachita mes sodio que potasio, y evita que se pierda la diferencia de potencial.
Potencial d'acción
[editar | modificar o codigo]En una neurona en estato de reposo las canal de sodio y potasio son cerradas y controladas por lo voltache. Cuan arriba un estimulo quimico u electrico ubre las canals pa lo sodio, que entran en la celula empentadas por difusión y por l'atracción electrica que fan las proteínas con carga negativa.
La entrada de sodio fa que l'interior de la celula siga menos negativo y si se plega a un livel critico de -55 mV dito umbral, s'ubren de sopetón totas las canals de sodio, por lo que se despolariza la membana dica una valura de +33 mV, la maxima de lo potencial d'acción. Si no se plega a ixe umbral no se chenera un potencial d'acción.
Lo potencial d'acción se propaga por tota la neurona y lo suyo axón, ubrindo-sen las canals de sodio de la redolada de las que s'han ubierto. La transmisión de lo potencial d'acción u despolarización por tota la neurona se diz "impulso niervoso".
Repolarización y periodo refractario
[editar | modificar o codigo]A mesura que lo potencial d'acción se va transmitindo por l'axón la membrana recupera lo suyo potencial de reposo. A on lo potencial d'acción ye ha plegau a los +30 mV las canals pa lo sodio se cierran pero s'ubren las canals pa forachitar a lo potasio, por lo que la part exterior de la membrana torna a estar con carga positiva respecto a la interior.
Cal un periodo refractario pa que la neurona recupere lo potencial de reposo.
Bibliografía
[editar | modificar o codigo]- C.P.J.Hickman Principios Integrales De Zoologia - 10ª Ed. McGraw-Hill. 1998.
- Natividad Ferrer Marí, Miguel Gracia Vicente, Manuel Medina Martínez Bachillerato. Biología y Geología Bruño, 2008.
