Nana amariella

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O Sol ye una nana amariella. En realidat a suya color verdadera ye blanca pero a causa d'a dispersión atmosferica de Rayleigh en travesar os suyos rayos l'atmosfera terrestre a suya color amaneix como amarillenca.

Una nana amariella u estrela de tipo-G d'a seqüencia prencipal u estrela nana G ye una estrela d'a seqüencia prencipal (clase de luminosidat V) de tipo espectral G. Una estrela d'ista mena tien arredol de 0,8 a 1,2 masas solars y una temperatura superficial comprendida entre 5.300 y 6.000 K. Igual que atras estrelas d'a seqüencia prencipal, una estrela de tipo-G d'a seqüencia prencipal ye en o proceso de convertir l'elemento hidrocheno en helio en a suya nuclio per meyo d'a fusión nucleyar.

Lo Sol, estrela a la quala la Tierra ye unida gravitacionalment en o sistema solar y l'obchecto con mayor magnitut aparent, ye un eixemplo d'estrela de tipo-G d'a seqüencia prencipal. Cada segundo, o Sol fusiona arredol de 600 millons de toneladas d'hidrocheno en helio, convertindo amán de 4 millons de toneladas de materia en enerchía. Amás d'o Sol, atros eixemplos bien conoixius d'estrelas de tipo-G d'a seqüencia prencipal incluyen Alpha Centauri A, Tau Ceti y 51 Pegasi.