Museu Diocesano de Chaca

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Museu Diocesano de Chaca
S'auespa dintro d'a Seu de Sant Per de Chaca
Situación
Coordenatas {{{Coordenadas}}}
País Espanya
Ciudat Chaca
Información cheneral
Tipo {{{Tipo}}}
Director
Construcción Sieglo XI
Debantadera 1970
Superficie
Horario Luns de 16:30 a 19:30
De marz a sabato 10:30 a 13:30 y de 16:30 a 19:30
Dominche de 10:30 a 13:30
Vesitants
Adreza Plaza d'a Seu / Sant Per - 22700 Chaca
Telefono (+34) 974 356 378 y (+34) 974 362 185
Pachina web Web oficial

O Museu Diocesano de Chaca ye un museu aragonés ubicau en a ciudat de Chaca, en a comarca d'a Chacetania. Constituye, conchuntament con o Museu Diocesano de Leida y lo Museu Nacional d'Art de Catalunya, un d'os tres principals espacios museisticos adedicaus a l'arte romanico en Espanya. En o concepto de pintura mural medieval no bi ha parangón en toda Espanya.[1]

Situau en as antigas dependencias d'o claustro d'a seu de Sant Per, iste museu s'inauguró en 1970 como museu d'art sacro medieval, como consecuencia d'o descubrimiento en a decada anterior d'a-saber-los conchuntos de pintura mural romanicos y goticos. Lo suyo impulsor estió mosén Jesús Auricinea.[2] Mas tardi, en primerías de l'anyo 2010, o museu fue reinaugurau, dimpués d'uns amplos remodelación, enamplamiento y modernización. Dimpués d'ista relevant reforma, o espacio expositivo ofreixe mas de 2.000 m2 d'arte medieval en a suya maxima espresión, en destacando asuya colección de pinturas murals orichinals, d'estilos romanico y gotico, que fuoron rescatadas de varias ilesias d'a diocesi de Chaca. Sinse dandaleo, iste conchunto de frescos fa d'o chaqués un d'os museus de pintura medieval mas importants d'o mundo.[1]

Pero tamién s'amuestra una interesant selección de chapitels, tallas de vírchens y cristos y de reixas romanicos. En os anyos 1960, en a diocesi de Chacase recuperoron cuantos conchuntos de pinturas murals perteneixents a l'epoca medieval. En as ilesias d'o romanico, cuasi por definición, no se daban por rematadas dica que en o suyo interior no estasen recubiertas por pinturas en os suyos muros, absides y vueltas. Se tractaba, mas bien, d'ofrir a la chent qui no sabeba leyer, a traviés d'imáchens, toda la historia d'a Salvación.[1]

Talment a sala mas valuosa ye la Sala Bagüés. Istas pinturas fuoron rencatas d'a ilesia d'os Santos Chulián y Basilisa de Bagüés por a familia d'os Gudiol en o verano de 1966, ta dimpuesas estar tresladadas enta lienzo y meter-las atra vegada, en os suyos tallers de Barcelona, en os panels con que agora s'amuestran. Ta la suya presentación en o Museu de Chaca, se i construyó una sala que reproduz exactament as mesmas dimensions d'a ilesia d'a que fuoron treslatadas. Representa lo conchunto de pintura mural mas gran que s'alza en Espanya d'estilo romanico.[1]

Important ye tamién o conchunto que s'ha podiu rescatar d'as pinturas romanicas d'a ilesia de Nuestra Sinyora de l'Asumpción de Navasa. D'a mesma traza, cal remerar os distintos conchuntos perteneixents a lo gotico: os nombres de Concilio y d'Osia, d'Urriés y d'Orús, de Susín, de Sorripas, Huertolo, Zresola y Sieso de Chaca, d'Ipás, d'Escó y de Bergosa... A l'abside de Sant Chuan Baptista de Ruesta perteneix a cabeza d'o Pantocrator, un d'os suyos mas carismaticos signos d'identidat.[1]

Descripción[editar | modificar o codigo]

Acceso ta lo Museu Diocesano de Chaca dintro d'a Seu de Sant Per de Chaca.

L'acceso ta lo museu se realiza en l'actualidat por una puerta ubierta en a capiella de Santa Cruz, en a nau d'o Evanchelio d'a Seu. A suya replega permanent se distribuye en dos plantas.

Planta baixa[editar | modificar o codigo]

Planta baixa d'o Museu Diocesano de Chaca.

Claustro[editar | modificar o codigo]

Chapitel d'o sieglo XI u XII que representa a lo rei David y a once musicos.

Si bien en orichen teneba la estructura tipica d'os claustros romanicos d'o primer tercio d'o sieglo XII, o suyo estau de ruina fació que se reformase en o sieglo XVII y adquirise lo suyo aspecto actual. En os suyos corredors se puet trobare un visor que permite alufrar una recreación d'o suyo aspecto orichinal, asinas como una colección de chapitels romanicos -entre los que destacan o d'o satiro y lo d'o rei David y los musicos-, inscripcions funerarias y l'antiga cripta.

Chardín[editar | modificar o codigo]

Chardín central d'o claustro.

As cambras d'o claustro s'aparellan arredol d'o chardín central. As plantas que se i cautivan miran d'emular a vechetación present mientres a Edat Meya, adedicando cadagún d'os cuatre parterres a plantas aromaticas, medecinals, culinarias y ornamentals.

Torreta[editar | modificar o codigo]

Sala d'a Torreta d'o Museu Diocesano de Chaca.

Antiga siede d'o tribunal eclesiastico y garchola, as suyas dos primeras salas exhiben as choyas de Santa Orosia. A zaguera d'ellas, dita "Letra y Musica", ye ocupada por documentos, codices, instrumentos musicals y campanas, conchuntament con una pantalla interactiva que permite conoixer mas sobre as tradicions d'as cuals istos elementos en fan parti.

Refectorio[editar | modificar o codigo]

En o suyo interior s'amuestra una colección de pinturas murals fechada entre los sieglos XII y XVI. Todas promanan d'ilesias d'a diocesi de Chaca y fuoron tresladadas en as decadas de 1960 y 1970, o que converte a iste museu en un d'os museus de pintura medieval mas important d'o mundo.

Sala Bagüés[editar | modificar o codigo]

Ye, sinse dandaleo, a sala mas espectacular d'o Museu Diocesano de Chaca, pus se i exhibe lo conchunto de frescos romanicos mas extenso que ha plegau dica l'actualidat en a peninsula Iberica. As suyas pinturas, procedents d'a ilesia d'os Santos Chulián y Basilisa de Bagüés -d'o zaguer tercio d'o sieglo XI- fueron reubicadas en o museu en una dependencia que poseye la mesma configuración que o templo d'a on promanan as pinturas. En os suyos muros podemos veyer una cuasi completa Biblia pintada y preixinar cómo yeran os templos romanicos plenos de pinturas y color.

Capiellas claustrals[editar | modificar o codigo]

Istas tres chicotas salas s'adedican a las tallas romanicas que comparten espacio con eixemplos de reixaus medieval, pintura a lo temple y mesmo lo sarcofago d'o conte Sancho Remíriz, fillo borde d'o rei Remiro I d'Aragón y d'Amunia de Barbenuta y chirmanastro asinas d'o suyo hominimo lo rei Sancho Remíriz..[3]

PequeMDJ[editar | modificar o codigo]

Se tracta d'un espacio habilitau ta quel os mas chicoz y las suyas familias puedan proveitar d'o Museu Diocesano de Chaca d'una traza diferent con una luminosa galería que connecta con l'antigo segundo clausto d'a Seu, actualment desapareixiu.

Sala capitular[editar | modificar o codigo]

En iste ambito, a on s'achuntaba o capitol ta la presa de decisions, en o present pueden contemplar-sen as zagueras piezas restauradas en o museu, mesmo que los chapitels orichinals romanicos d'a suya frontera.

Planta primera[editar | modificar o codigo]

Primera planta d'o Museu Diocesano de Chaca.

Secretum[editar | modificar o codigo]

Teito d'o Secretum.

O suyo nombre significa puesto retirau u amagau, porque d'ante mas se fació servir ta enforiquiar choyas, documentos y monedas. Como recosiro d'a suya función como "tresoro" catedralicio, s'exposan en o suyo interior piezas sinyaleras d'orfebrería.

Biblioteca[editar | modificar o codigo]

A colección moderna d'o Museu Diocesano de Chaca tiene como escenario l'espacio de l'antiga biblioteca catedralicia que exhibe tallas de fusta y pintura sobre tabla d'estilos gotico, renaixentista y barroco.

Notas y referencias[editar | modificar o codigo]

  1. 1,0 1,1 1,2 1,3 1,4 (es) www.jaca.com.
  2. (es) Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, ISBN 84-9776-112-X, p.154.
  3. (es) Sarcófago del conde Sancho Ramírez en a web d'o Museu Diocesano de Chaca.

Vinclos externos[editar | modificar o codigo]