Mundir II

De Biquipedia
Ir a la navegación Ir a la búsqueda
Mundir II
منذر معز الدولة
Rei d'a Taifa de Saraqusta

1029 - 1038
Predecesor Yahya al-Muzaffar
Succesor Abd Allah ben Hakam

Naixencia ?
Muerte 1038

Mundir ibn Yahyá al-Tuchibí Mu'izz al-Dawla († 1038) estió rei d'a taifa de Saraqusta de 1029 a 1038.

No bi ha muitos datos sobre o rey Mundir II de Saraqusta, que perteneixeba a lo linache d'os Banu Tuchib. As fuents que recentan os feitos d'ista epoca se centran en a conspiración fació contra ell un parient d'a linia prencipal d'iste linache dito Abd Allah ben Hakam. En l'anyo 1035 puyó a lo trono lo falso califa Hisham II en Sevilla, pero Mundir II de Saraqusta se negó a reconoixer a suya autoridat como, d'atra man, heban feito totz os suyos antecesors dende Mundir I. Manimenos, ista estió a incusa d'o suyo primo, Abd Allah ben Hakam, qui quereba proclamar-se rei d'a taifa, ta fer una conspiración que rematarba con l'asasinato de Mundir II en 1038. Dezaga d'istos feitos bi habió grans alteracions populars en Saraqusta que rematoron con a fin d'a dinastía tuchibí, y l'orichen d'o periodo de monarquía hudí dende 1039, en o que accede a lo poder Sulaymán ben Hud al-Musta'in, que en ista epoca yera gubernador de Leida.

Bibliografía[editar | editar código]


Predecesor:
Yahya al-Muzaffar
Mundir II
Rei taifa de Saraqusta

1029- 1038
Succesor:
Abd Allah ben Hakam