Motor de combustión

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Motor de cuatre tiempos

Motor de dos tiempos

Un motor de combustión ye un mecanismo que produz una fuerza motriz a traviés d'a transformación d'a enerchía d'un combustible.

Tipos de motors de combustión

Toz os motors de combustión se componen d'una maquinaria y un fluyiu de treballo. O fluyiu de treballo, a ormino un gas, ye o que transporta la calor d'o foco calient a lo foco fredo de traza que en obtenemos un treballo. En particular, os motors de combustión emplegan como foco calient una reacción quimica exotermica u combustión.

Seguntes como faigan servir iste fluyiu de treballo, podemos clasificar os motors.

Seguntes o ciclo

• De ciclo zarrau: O fluyiu de treballo se recicla entre o foco fredo y o foco calient, siempre ye o mesmo gas. Asinas se puet utilizar un fluyiu "de disenyo", CFC's, sodio liquido, mercurio, CO₂ ecetra., encara que o problema principal ye que s'ha d'enfriar siempre o fluyiu en un foco fredo.
• De ciclo ubierto: O fluyiu de treballo s'agafa de l'exterior, se calenta, pasa a lo foco fredo y se libera a l'atmosfera. En cada ciclo, lo fluyiu de treballo s'esviella. O fluyiu de treballo siempre será l'aire de l'atmosfera y hemos de treballar con as propiedaz d'iste, l'aventalla ye que no mos hemos de preocupar d'o foco fredo.

Seguntes a combustión

• De combustión esterna: Os gases resultants d'a combustión no dentran en o motor. S'emplegan ta calentar o fluyiu de treballo por meyo d'un intercambiador de calor. Eixemplos: (ciclo ubierto) maquina de vapor, (ciclo zarrau) Motor Stirling, turbinas de vapor.
• De combustión interna: Os gases resultants d'a combustión fan parti d'o fluyiu de treballo d'o motor. Eixemplos: motors Otto, Diesel, turbinas de gas (reactors). Toz éls son de ciclo ubierto.

Motors de combustión interna

En o caso d'os automobils o pistón ye uniu a una biela y ista fa de palanca sobre un cigonyal que ye un eixe que converte o movimento linial en un movimento contino de rotación.

Motors de cuatre tiempos

Como diz o suyo nombre tien cuatre fases:

1. Fase d'admisión: dentran l'aire y o combustible mezclaus.
2. Fase de compresión: o pistón repreta a mezcla y s'enciende una purna.
3. Fase d'esclatada: esclata o combustible, empuixando lo pistón entabaixo.
4. Fase d'espulsión de gases: se forachitan os repuis d'a combustión.

Motors de dos tiempos

Tien dos fases:

1. Fase d'admisión-compresión
2. Fase de potencia-escape

• Datos: Q6018565
• Multimedia: Engines by brand / Q6018565