Miguel Santolaria

De Biquipedia
(Reendrezato dende Miguel Santolaria García)
Ir a la navegación Ir a la búsqueda

Miguel Santolaria García (Sabayés, Plana de Uesca, 1943) ye mayestro de amostranza primaria y Diplomato en Filolochía Espanyola por a UNED. Estió mayestro en o Colechio "Santa Elena" de Biescas, en o Colechio "Ramón y Cajal" de Ayerbe, en o Colechio "Juan XXIII" de Uesca y en o Instituto de Educación Segundaria "Ramón y Cajal" de Uesca.

Ye miembro d'o Consello d'a Fabla Aragonesa y autor de un Catálogo de remataduras en aragonés (tirada a ciclostil, 1983), de bells articlos en a revista Fuellas como Prosa y verso de Tonón de Baldomera (lº 37, 1983), u bell cuento curto Chapaletiando (lº 50/51, 1986), d'entre atras. Obtenió en 1995 l'accesit en o Premio Arnal Cavero por a suya novela inedita Arcosanchuán de birabolas.

Ye fendo un diccionario analochico conceptual aragonés que publica en a web www.zirano.com, d'o que da cuenta en os articlos: "Zirano Cúpula, una aplicación de las variables conceptuales de la semántica conceptual multilenguaje" (2009) u "Conzeutos culturáls propios de l'aragonés. Localizazión por meyo de l'Arbol Conzeutual (potenzialmén) Unibersal d'a Plataforma Intercultural Multílenguache Zírano" (20013-2014) .

Tiene poblicatas quantas obras en idioma aragonés:

- Mal d'amors. Uesca, Publicazions d'o Consello d'a Fabla Aragonesa, 1983. (Teatro)

- L'erenzio. Uesca, Publicazions d'o Consello d'a Fabla Aragonesa, 1988. (Novela)

- As charradas de Tonón. Uesca, Publicazions d'o Consello d'a Fabla Aragonesa, 1987. (Asayo)

Vinclos externos[editar | editar código]