Mayestro de capiella

Un mayestro de capiella (maestro de capilla en castellano, Kapellmeister en alemán, maître de chapelle en francés, maestro di cappella en italiano) ye un musico con prestichio y experiencia, amás d'estar compositor, que forma, chestiona y diriche a la colla de cantaires y instrumentistas que tien a responsabilidat d'a musica sacra en os oficios d'as ilesias u bien d'a musica profana en as fiestas celebradas en una Cort. D'antes mas, y mas que mas mientres o Renaiximiento y o Barroco, se feba servir a expresión capiella de musica ta referir-se d'una man a lo conchunto de musicos que en feban parte y, d'atra man, a lo puesto concreto a on feban los suyos ensayos, y ye d'ista expresión d'a on provién lo nombre de mayestro de capiella; capiella de musica y mayestro de capiella se feban servir mesmo ta ilesias y seus que ta bella cort. En bellas seus y palacios a colla de musicos podeba estar deseparada d'a colla de menestrils, que de vegadas mesmo teneba lo suyo propio mayestro.

Vinclos externos

• Se veigan as imachens de Commons sobre os mayestros de capiella.