Mauricio Aznar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Maurizio Aznar
Estatua en Casablanca
Información personal
Nombre	Mauricio Aznar Müller
Embotada
Naixió	Zaragoza 25 de chinero de 1964
Murió	Zaragoza 2 d'octubre de 2000
Información musical
Orichen
Estilo
Ocupancia
Instrumentos
Tiempo	1983-2000
Discograficas
Relacionau con	Golden Zippers, Más Birras y Almagato
Pachina web

Mauricio Aznar Müller, anque el gosaba escribir Maurizio Aznar, (Zaragoza, 25 de chinero de 1964 - Zaragoza, 2 d'octubre de 2000) estió un poeta y musico aragonés, lider d'os grupos Golden Zippers, Más Birras y Almagato. Muitas d'as suyas cancions, como «Cass» u «Apuesta por el Rock and Roll», popularizata por Héroes del Silencio, ya son parti de l'herencio cultural d'a musica rock feita en Aragón.

A suya trachectoria prencipia con o grupo Golden Zippers, en os anyos 1980, fendo musica rocker y rockabilly. En l'anyo 1983 quitan un disco single con tres cancions, con o siello «Cara 2».

En 1984 creya Más Birras, o grupo con o que plegaría enta os altars d'a musica aragonesa, y que se fació popular en atros puestos dimpués de apareixer en Radio 3 d'a man de Jesús Ordovás o tema «Apuesta por el rock’n’roll», incluito en o suyo primer maxi-single Al este del Moncayo (1987). Ista canción fue escrita por Gabriel Sopeña, qui encara la canta, anque fa bels anyos os Héroes del Silencio, quitoron una versión nueva que plegó enta totas as listas d'exitos.

Con Más Birras, Mauricio Aznar editó os LP Otra ronda (1988), La última traición (1990) y Tierra quemada (1992). Toz ellos con cancions d'o propio Mauricio Aznar y bels temas de Gabriel Sopeña.

En 1993 remata o recorriu de Más Birras con un concierto en os Pilars de Zaragoza, y Mauricio Aznar prencipia a triballar sobre atra d'as suyas pasions, o tango archentino y muitas atras formas d'o folklore sudamericano.

En os suyos zaguers anyos, y con o grupo Almagato, encara en activo, y de conchunta con Jaime González, s'adedicó a extendillar o folklore d'a Pampa, en especial de Santiago del Estero, fendo cancions de cheneros como a chacarera, zambra o vidalita.

Antis de morir, en octubre de 2000, escribió un libro de poemas que encara no ha visto a luz; y una veintena de cancions con o suyo intimo amigo dende la infancia, Gabriel Sopeña. Dimpués d'a suya muerte, a ciudat de Zaragoza creyó un paseyo con o suyo nombre y se celebroron dos conciertos homenache con a partecipación d'os antigos miembros de Más Birras, Almagato, Amaral, Héroes del Silencio y atros muitos grupos aragoneses.